ဝုဗ်တိုက်စစ်မှူး ကွန်ညာကို ခေါ်ယူရန် ပရီးမီးယားလိဂ်အသင်း ၆ သင်း အပြိုင်ကြိုးပမ်း
DVB
·
January 23, 2025
ဝုဗ်ဗာဟမ်တန် တိုက်စစ်မှူး ကွန်ညာကို ခေါ်ယူဖို့ ပရီးမီးယားလိဂ်အသင်း ၆ သင်းအထိ အပြိုင် ကြိုးပမ်းနေကြပါတယ်။
အသက် ၂၅ နှစ်ရှိ ဘရာဇီးလက်ရွေးစင် ကစားသမားဟောင်းဟာ ဝုဗ် အသင်းမှာ ခြေစွမ်းပြနေပြီး စုစုပေါင်း ၁၀ ဂိုးသွင်း ၄ ကြိမ် ဂိုးဖန်တီးမှု ပြုလုပ်ထားတာပါ။
ကွန်ညာကို ခေါ်ယူဖို့ နော်တင်ဟမ်ဖောရက်စ်က တရားဝင်ကမ်းလှမ်းခဲ့သလို အာဆင်နယ်၊ ချဲလ်ဆီး၊ မန်ယူ၊ နယူးကာဆယ်နဲ့ စပါးအသင်းတွေကလည်း ခေါ်ယူဖို့ ကြိုးပမ်းနေကြပြီး ပရီးမီးယားလိဂ်ကလပ်တွေရဲ့ အလိုအရှိဆုံး တိုက်စစ်မှူးအဖြစ် သတ်မှတ်ခံထားရပါတယ်။
၂၀၂၂ ခုနှစ်က အက်သလက်တီကိုကနေ ပြောင်းရွှေ့လာသူ မားသီးယက်စ်ကွန်ညာဟာ မနှစ်က ပရီးမီးယားလိဂ်ပြိုင်ပွဲမှာလည်း သွင်းဂိုး ၁၄ ဂိုးနဲ့ ဂိုးဖန်တီးမှု ၈ ကြိမ်အထိ ပြုလုပ်နိုင်ခဲ့ပါတယ်။
Photo-Reuters
