ဂရိကလပ် AEK အေသင်အသင်းဟာ အသင်းလက်မဲ့ဖြစ်နေတဲ့ မာစီယယ်ကို ခေါ်ယူဖို့ စံချိန်တင် လုပ်ခလစာနဲ့ ကမ်းလှမ်းလိုက်တယ်လို့ သိရပါတယ်။

အသက် ၂၈ နှစ်ရှိ ပြင်သစ်တိုက်စစ်မှူး မာစီယယ်ဟာ မန်ယူအသင်းနဲ့ စာချုပ်သက်တမ်း ကုန်ဆုံးခဲ့ပြီးနောက် အသင်းလက်မဲ့ ဖြစ်နေသူပါ။  

ဂရိသတင်းဌာန SPORT24 ရဲ့ ဖော်ပြချက်အရ AEK အေသင်အသင်းဟာ မာစီယယ်ကို ဆွဲဆောင်စည်းရုံးနိုင်ဖို့အတွက် အသင်းသမိုင်းတလျှောက် တခါမှ ပေးချေဖူးခြင်းမရှိတဲ့ လုပ်ခလစာနဲ့ ကမ်းလှမ်းထားတယ်လို့ သိရပါတယ်။ 

အေသင်အသင်းမှာ စပါးကစားသမားဟောင်း လာမယ်လာက တနှစ်လုပ်ခ ယူရို ၂ သန်းနဲ့ လုပ်ခလစာအများဆုံးဖြစ်ပြီး မာစီယယ်အတွက် ကမ်းလှမ်းမှုဟာ လာမယ်လာရဲ့ လုပ်ခလစာထက် ပိုပြီး များပြားတယ်လို့ သိရပါတယ်။