တတိယမြောက် ချားလ်စ်ဘုရင်ရဲ့ ပုံတူရိုက်နှိပ်ထားတဲ့ ပထမဆုံး ၁ ပေါင်တန် ဒင်္ဂါးပြားတွေဟာ အခုသီတင်းပတ်အတွင်းမှာပဲ ယူကေနိုင်ငံတခွင် စဖြန့်တော့မှာ ဖြစ်ကြောင်း ဗြိတိန်ဒင်္ဂါးပြားတွေကို တရားဝင်ရိုက်နှိပ်ခွင့်ရစက်ရုံ The Royal Mint က သြဂုတ် ၂၀ ရက်မှာ ပြောပါတယ်။
The Royal Mint ဒင်္ဂါးစက်ရုံဟာ ချားလ်စ်ဘုရင်ရဲ့ ပုံတူဖြစ်တဲ့ ၁ ပေါင်တန် ဒင်္ဂါးအသစ်တွေ ထုတ်လုပ်နေတဲ့ ဗီဒီယိုဖိုင်ကို ထုတ်ပြန်ခဲ့ပါတယ်။
အခုသီတင်းပတ်အတွင်း အကြွေစေ့ ၃ သန်းနီးပါးဟာ ယူကေတဝန်းရှိ စာတိုက်တွေနဲ့ ဘဏ်တွေကနေ လည်ပတ်မှာဖြစ်ပါတယ်။
ဘုရင်ကြီးရဲ့ သဘာဝကို ချစ်မြတ်နိုးပြီး သဘာဝပတ်ဝန်းကျင် ကာကွယ်ရေးကို ကိုယ်စားပြုတဲ့အနေနဲ့ ဒင်္ဂါးမှာ ဗြိတိန်ပျားစုံတွဲကိုလည်း ထည့်သွင်းရိုက်နှိပ်ထားပါတယ်။
ဒါဟာ ဗြိတိန်ဒင်္ဂါးပြားတွေအတွက် ဒီဇိုင်းအသစ် ၈ မျိုးထဲက တခုဖြစ်ပြီး ဒီဇိုင်းတမျိုးစီမှာ တက်ကြွတဲ့ ထိန်းသိမ်းစောင့်ရှောက်ရေး အစီအစဉ်ထဲက မျိုးစိတ်တခုစီကို ပြသထားပါတယ်။
Source-Reuters
