မန်စီးတီးအသင်းအနေနဲ့ ကမ္ဘာ့ကလပ်ချန်ပီယံရှစ်ပြိုင်ပွဲမှာ ပါဝင်ယှဉ်ပြိုင်ခွင့်ရတာက စိတ်လှုပ်ရှားစရာကောင်းကြောင်း နည်းပြဂွါဒီယိုလာက ပြောပါတယ်။
မန်စီးတီးအသင်းဟာ မနှစ်ကချန်ပီယံလိဂ်မှာ ချန်ပီယံဖြစ်ခဲ့တာကြောင့် ကမ္ဘာ့ကလပ် ချန်ပီယံရှစ်ပြိုင်ပွဲကို ဆီမီးဖိုင်နယ်အဆင့်ကနေ စတင် ကစားခွင့်ရခဲ့တာပါ။
ဥရောပချန်ပီယံအသင်းကသာ ကစားခွင့်ရတာဖြစ်လို့ ဂုဏ်ယူကျေနပ်မိပြီး ဆုဖလားရယူဖို့ ကြိုးပမ်း ရတာကလည်း စိတ်လှုပ်ရှားစရာကောင်းကြောင်း ဂွါဒီယိုလာက ပြောပါတယ်။
ဆော်ဒီနိုင်ငံမှာ ယှဉ်ပြိုင်ရမယ့် ကမ္ဘာ့ကလပ်ချန်ပီယံရှစ်ပွဲမှာ မန်စီးတီးက ဂျပန်ကလပ် အူရာဝါရတ်ဒိုင်းမွန်းစ်အသင်းနဲ့ ဒီဇင်ဘာ ၂၀ ရက်မှာ ယှဉ်ပြိုင်ရမှာပါ။
တခြားဆီမီးဖိုင်နယ်မှာတော့ ဘရာဇီးကလပ် ဖလူးမင်နိစ်နဲ့ အီဂျစ်ကလပ် အယ်လ်အာလီအက်စ်စီ တို့ တွေ့ဆုံနေတာပါ။
ဆော်ဒီကို ထွက်ခွါသွားတဲ့ အသင်းလူစာရင်းမှာ ကွင်းလယ်လူ ဒီဘရိုင်းလည်း ပါဝင်သွားတယ်လို့ သိရပါတယ်။
Photo - Reuters
