အာဂျင်တီးနားကလပ် ဘိုကာဂျူနီယာအသင်းက အသစ်ခေါ်ယူထားတဲ့ ဝါရင့်တိုက်စစ်မှူး ကာဗာနီကို အသင်းပရိသတ်တွေနဲ့ မိတ်ဆက်ပွဲ ပြုလုပ်ပေးခဲ့ပါတယ်။

ဗျုနိုအေရိစ်မှာ ပြုလုပ်တဲ့ အသက် ၃၆ နှစ်အရွယ် ဥရုဂွေးတိုက်စစ်မှူး ကာဗာနီရဲ့ မိတ်ဆက်ပွဲကို ပရိသတ်ပေါင်း ၃၀,၀၀၀ လောက် တက်ရောက်ခဲ့ပါတယ်။

တိုက်စစ်မှူး ကာဗာနီဟာ ဘိုကာဂျူနီယာအသင်းကို ၁၈ လစာချုပ်နဲ့ ပြောင်းရွှေ့လာတာဖြစ်ပြီး အသင်းသစ်မှာ ကျောနံပါတ် ၁၀ ကို ဝတ်ဆင်ရမှာပါ။

သူဟာ ဥရောပကလပ်တွေဖြစ်တဲ့ ပါလာမို၊ နာပိုလီ၊ ပီအက်စ်ဂျီ၊ မန်ချက်စတာယူနိုက်တက်နဲ့ ဗလန်စီယာ အသင်းတွေမှာ ကစားခဲ့ဖူးသလို ဥရုဂွေးအသင်းနဲ့အတူ ကမ္ဘာ့ဖလားမှာ ၄ ကြိမ်၊ ကိုပါအမေရိကားဖလားမှာ ၅ ကြိမ် ပါဝင်ကစားပေးထားပါတယ်။