ဆော်ဒီလိဂ်ကို မလာဖို့ စီရော်နယ်ဒိုရဲ့ ပိတ်ပင်တာခံရကြောင်း ကိုလံဘီယာတောင်ပံကစားသမား ဟွမ်ကွာဒရာဒိုက ပြောပါတယ်။
ကွာဒရာဒိုနဲ့ စီရော်နယ်ဒိုတို့ဟာ ဂျူဗင်တပ်အသင်းမှာ သုံးနှစ်ကြာ တွဲဖက်ကစားခဲ့ဖူးကြသူတွေပါ။ ကွာဒရာဒိုဟာ မနှစ်ကရာသီအကုန်မှာ ဂျူဗင်တပ်အသင်းကနေ ထွက်ခွါလာခဲ့ပြီး လက်ရှိအချိန်မှာ အသင်းသစ်ရှာဖွေနေဆဲ ဖြစ်ပါတယ်။
သူ့ကိုခေါ်ယူဖို့ ဆော်ဒီကလပ်တွေက ကမ်းလှမ်းထားပေမဲ့ စီရော်နယ်ဒိုက ပြောင်းရွှေ့မလာဖို့ ပြောဆိုထားကြောင်း ကွာဒရာဒိုက စပိန်သတင်းစာ AS နဲ့ အင်တာဗျူးမှာ ပြောပါတယ်။
ကွာဒရာဒိုက“လက်ရှိအချိန်မှာ ဘောလုံးကစားဖို့ ဆန္ဒပြင်းပြ နေဆဲဖြစ်ပြီး ပြိုင်ဆိုင်မှုတွေ လုပ်ဆောင်ချင် ပါသေးတယ်။ ဒါပေမဲ့ ဆော်ဒီလိဂ်ကို မလာဖို့ ရော်နယ်ဒိုက ပြောထားပြီး သူက ကျွန်တော့်ကို မလိုမရှိဘဲ ဖြစ်နေတယ်။ ဒီအချိန်မှာ ခေါင်းအေးအေးထားပြီး အကောင်းဆုံးဖြစ်နိုင်မယ့် အသင်းသစ်ကိုရှာဖွေနေဆဲဖြစ်တယ်။ ကျွန်တော့်အေးဂျင့်က ဥရောပမှာ ရောက်နေပြီး အကောင်းဆုံး ဖြစ်နိုင်မဲ့အသင်းကို ရွေးချယ်မှုလုပ်သွားမှာဖြစ်တယ်” လို့ ပြောပါတယ်။
အသက် ၃၅ နှစ်ရှိ ကိုလံဘီယာကစားသမားဟာ အူဒီးနိစ်၊ လက်ချီ၊ ဖီအိုရင်တီးနား၊ ချဲလ်ဆီး အသင်းတွေမှာလည်း ကစားခဲ့ဖူးသူ ဖြစ်ပါတယ်။
