မက်ဆီ မိတ်ဆက်ပွဲကို အခမ်းနားဆုံးကျင်းပရန် အင်တာမိုင်ယာမီအသင်းစီစဉ်
DVB
·
July 9, 2023
ဇူလိုင် ၁၆ ရက်မှာပြုလုပ်မဲ့ မက်ဆီနဲ့ မိတ်ဆက်ပွဲကို အခမ်းနားဆုံးကျင်းပဖို့ အင်တာမိုင်ယာမီ အသင်းက စီစဉ်ထားပါတယ်။
ဘလွန်းဒီအော ကမ္ဘာ့အကောင်းဆုံးကစားသမားဆု ၇ ကြိမ်ရ မက်ဆီရဲ့ မိတ်ဆက်ပွဲမှာ စိတ်လှုပ်ရှားစရာ ဖျော်ဖြေရေးအစီအစဉ်တွေနဲ့အတူ ဘောလုံးကွင်းထဲကနေ မိတ်ဆက်စကားပြောမယ့် အစီအစဉ်လည်း ပါဝင်တယ်လို့သိရပါတယ်။
ဒါ့အပြင် မီဒီယာအများအပြားကိုလည်း ဖိတ်ကြားထားပြီး အကြီးမားဆုံး အခမ်းအနားတစ်ခုလို ပြုလုပ်သွားမယ်လို့ ဆိုပါတယ်။
မက်ဆီနဲ့အတူ ဘာစီလိုနာကွင်းလယ်လူ ဘူးစကွက်စ်ကိုလည်း တပါတည်း မိတ်ဆက်ဖို့ရှိပြီး ယော်ဒီအယ်လ်ဘာနဲ့ ဆွာရက်ဇ်တို့ကိုတော့ ခေါ်ယူဖို့ ဆွေးနွေးနေဆဲဖြစ်ပါတယ်။
မက်ဆီရဲ့ အပြောင်းအရွှေ့အပေါ် တရားဝင်မိတ်ဆက်မှုမပြုလုပ်ရသေးပေမဲ့ နယူးယော့ခ်မြို့ရှိ Adidas စတိုးဆိုင်တွေမှာတော့ မက်ဆီရဲ့ ပုံရိပ်တွေနဲ့ ပြည့်နှက်နေပြီဖြစ်ပါတယ်။
