“ဝ”အထူးဒေသ ၂ ရှိ နမ့်တစ်မြို့ဈေးကြီး မီးလောင်၊ ဆိုင်ခန်း ၅ ခန်းပျက်စီး
DVB
·
May 31, 2023
ရှမ်းပြည်နယ်၊ “ဝ”အထူးဒေသ ၂၊ နမ့်တစ်မြို့ ဈေးကြီးမှာ မေ ၃၀ ရက် ည ၈ နာရီခွဲက မီးကြိုးရှော့ခ် ဖြစ်ပြီး ဆိုင်ခန်း ၅ ခန်း မီးလောင်ပျက်စီးသွားတယ်လို့ ဒေသခံတွေဆီက သိရပါတယ်။
မီးလောင်သွားတဲ့ ဆိုင်ခန်းတွေဟာ အထည်ဆိုင်၊ ကုန်စုံဆိုင်နဲ့ ဆန်ဆိုင်တွေဖြစ်ပြီး ပစ္စည်းဆုံးရှုံး မှုတန်ဖိုး မသိရသေးဘဲ ၃ နာရီကြာ မီးလောင်ခဲ့ပြီး ညပိုင်း ၁၁ နာရီမှ မီးငြှိမ်းသတ်နိုင်ခဲ့တယ်လို့ ဒေသခံတဦးက ပြောပါတယ်။
မီးလောင်တဲ့အရှိန် ပြင်းတာကြောင့် ပစ္စည်းဆုံးရှုံးမှုတန်ဖိုးများနိုင်ပြီး အဆိုပါ မီးလောင်မှုဖြစ်စဉ်မှာ ထိခိုက်ဒဏ်ရာရသူနဲ့ သေဆုံးသူတွေ မရှိဘူးလို့ သိရပါတယ်။
