ကယား(ကရင်နီ)တော်လှန်ရေးတပ်ရင်း (KRU)အောက်က တပ်ခွဲ (၁) ကွန်မန်ဒိုတပ်ခွဲက အသက် ၁၈ နှစ်အရွယ် ရဲဘော် မောင်အဲလ်ဖရက် (ခ)ခွန်နိုဘယ်ဟာ မေ ၁၀ ရက်  ညနေ ၆ နာရီမှာ  ကျဆုံးခဲ့တယ်လို့ KRUမှ သတင်းထုတ်ပြန်ပါတယ်။

ရဲဘော်မောင်အဲလ်ဖရက်(ခ) ခွန်နိုဘယ်ဟာ ရှေ့တန်းစစ်မျက်နှာပြင်မှာ တိုက်ပွဲဝင်ရင်း မိုင်းကြောင့် ပြင်းထန်ဒဏ်ရာရကာ အသက်ဆုံးရှုံးခဲ့လို့ မေ ၁၁ ရက်မှာ စျာပနပြုလုပ်ခဲ့ပါတယ်။

ရဲဘော် တဦးက "ဘေးနားအမြဲတမ်း ရှိနေတဲ့သူက ထာဝရပျောက်ကွယ်သွားတာကြီးက တော်တော်လေး ဝမ်းနည်း ခံစားရတယ်"လို့ ပြောပါတယ်။

KRUတပ်ရင်းမှ ရဲဘော် အဲလ်ဖရက် (ခ)ခွန် နိုဘယ်ဟာ မဆုတ်မနစ်သော သတ္တိနဲ့ တိုက်ပွဲ ဝင်ခဲ့ပြီး ဖြစ်တဲ့အတွက် အာဇာနည်သူရဲကောင်းအဖြစ် အသိအမှတ်ပြု အလေးနီပြုပါတယ်လို့ ဆိုပါတယ်။