ချင်းပြည်နယ်၊ ကန်ပက်လက်မြို့နယ်မှာ စက်တင်ဘာ ၂၁ ရက်နေ့က စစ်ကောင်စီ ရဲတပ်သားတဦး သေနတ် နှစ်လက်၊ ကျည်အပြည့်အစုံနဲ့ CDM ပြုလုပ်လာတယ်လို့ CDF-Kanpetlet က ထုတ်ပြန်ပါတယ်။

ချင်းပြည်နယ်၊ ကန်ပက်လက်မြို့နယ်မှာ တာဝန်ထမ်းဆောင်နေတဲ့ ရဲတပ်သား ပြည့်ဖြိုးဇင်၊ တသ၊ လ-၂၆၆၇၂၉ ဟာ  CDM လုပ်လိုကြောင်း ဆက်သွယ်လာခဲ့တာကြောင့် CDF-Kanpetlet က သွားရောက်ကြိုဆို ခေါ်ဆောင်ခဲ့တယ်လို့ ဆိုပါတယ်။

CDF-Kanpetlet က ထိုက်သင့်တဲ့ ဂုဏ်ပြုချီးမြှင့်ငွေကို ပေးအပ်ခဲ့ပြီး သူ့ရဲ့ သဘောဆန္ဒအရ လွတ်မြောက်နယ်မြေကို ပို့ဆောင်ပေးခဲ့တယ်လို့ သိရပါတယ်။

CDM ပြုလုပ်လာတဲ့ ရဲတပ်သား ပြည့်ဖြိုးဇင်နဲ့ အတူ G3  ၁ လက်နဲ့ ကျည်ဘောက် ၃ ခု၊ M16 ၁ လက်နဲ့ ကျည်ဘောက် ၂ ခု၊ 7.62 ကျည် ၁၁၀ တောင့်၊ 9mm ကျည် ၅ တောင့်နဲ့ ကျည်ကာ ၁ ထည် တို့ကို တပါတည်း ယူဆောင်လာတာလို့ ထုတ်ပြန်ချက်မှာ ဖော်ပြထားပါတယ်။

ပြည်သူနဲ့ ပူးပေါင်းလိုသော ရဲနဲ့ တပ်မတော်သားတွေကို CDF-Kanpetlet က နွေးထွေးစွာ ဖိတ်ခေါ်တယ်လို့ ဆိုပါတယ်။