Mandalar Pintagon Combat Troop (MPCT) အဖွဲ့က အဖွဲ့ဝင်တွေ ဖမ်းဆီးခံရတဲ့အတွက် စက်တင်ဘာ ၆ ရက်နေ့ ဒီနေ့မှာ အဖွဲ့ကို ဖျက်သိမ်းကြောင်း ထုတ်ပြန်ပါတယ်။

“အချိန်မတိုင်ခင် နိုင်ငံရေးမှ နုတ်ထွက်သည့်အတွက် ပြည်သူများအားလုံးကို အနူးအညွတ်တောင်းပန်အပ်ပါတယ်ခင်ဗျာ။” လို့ MPCT အဖွဲ့ က ဆိုပါတယ်။

Mandalar Pintagon Combat Troop (MPCT) အဖွဲ့က အဖွဲ့ခေါင်းဆောင် ကျော်လင်းအောင်၊ အဖွဲ့ဝင်တွေဖြစ်တဲ့ မျိုးဇော်ထွန်း၊ သီဟကျော် (ခ) ဂတုံးတို့ ၃ ဦးကို ၅.၅၆ ကျည် ၅၀ တောင့်နဲ့အတူ စက်တင်ဘာ ၃ ရက်နေ့က စစ်ကိုင်းမြို့ စစ်ကိုင်း မင်းကွန်းသွား ကားလမ်းရှိ လက်ဖက်ရည်ဆိုင်မှာ ဖမ်းဆီးရမိခဲ့တယ်လို့ စစ်ကောင်စီနဲ့ နီးစပ်တဲ့ သတင်းတွေမှာ ဖော်ပြခဲ့ကြပါတယ်။

ဒါ့အပြင် အဖွဲ့ဝင် သိန်းသန်းစိုးကိုလည်း စစ်ကိုင်းမြို့နယ်၊ စစ်ကိုင်း- မင်းကွန်း ကားလမ်းပေါ်မှာ ထပ်မံဖမ်းဆီးရမိခဲ့တယ်လို့ သိရပါတယ်။

ဩဂုတ် ၃၁ ရက်နေ့ကလည်း King Cobra Guerrilla Force Mandalay မြို့ပြကာကွယ်ရေးအဖွဲ့ကို ဖျက်သိမ်းခဲ့ကြောင်း ထုတ်ပြန်ထားပါတယ်။