ပလောင်ပြည်နယ်လွတ်မြောက်ရေးတပ်ဦး (PSLF/TNLA) ရဲ့ နိုင်ငံရေးသိပ္ပံကျောင်းကို ပထမဦးဆုံးအကြိမ်အဖြစ် သြဂုတ် ၁ ရက်က တအာင်းတပ်မတော် ထိန်းချုပ်နယ်မြေမှာ ကျင်းပ ပါတယ်။

PSLF/TNLA တပ်ဖွဲ့အတွင်း နိုင်ငံရေး၊ အုပ်ချုပ်ရေးဌာနတွေမှာ ဦးဆောင်နိုင်သူတွေ ပေါ်ပေါက်လာစေဖို့ ရည်ရွယ်ဖွင့်လှစ်ခဲ့တာဖြစ်ပြီး သင်ကြားချိန်ကာလ ၂ နှစ်ကြာမြင့်မှာ ဖြစ်ကာ စုစုပေါင်း ဘာသာရပ်  ၄၃ ခု သင် ကြားပေးသွားဖို့ရှိတယ်လို့ သင်တန်းကျောင်းကနေ သိရပါတယ်။

အဲ့ဒီဘာသာရပ်တွေထဲမှာ တစ်ကိုယ်ရည် စွမ်းဆောင်မှု၊ စီမံခန့်ခွဲမှာဆိုင်ရာ ဘာသာရပ်အပြင် အခြေခံနိုင်ငံရေး၊ လူ့အခွင့်အရေး၊ ပထဝီနိုင်ငံရေး၊ စီးပွားရေးဆိုင်ရာနိုင်ငံရေး စတဲ့ဘာသာရပ်တွေကို သင်ကြားပေးသွားမှာပါ။

PSLF/ TNLAက ပထမအကြိမ်ဖွင့်လှစ်တဲ့ နိုင်ငံရေးသိပ္ပံ ကျောင်းကို ကျောင်းသူ/သား ၃၅ ဦး တက်ရောက်နေတာ ဖြစ်ပါတယ်။