ထားဝယ်ခရိုင်၊ သရက်ချောင်းမြို့နယ်အတွင်းရှိ တောင်ပျောက်တိုက်နယ်ကို ဇူလိုင် ၂ ရက်နေ့ မနက်ပိုင်းက စစ်ကောင်စီတပ်တွေ စစ်ကြောင်းထိုးဝင်လာတာကြောင့် အနီးအနားရွာတွေက ပြည်သူ ၅၀၀၀ လောက် ဘေလွတ်ရာထွက်ပြေးတိမ်းရှောင်နေကြရတယ်လို့ တောင်ပျောက်တိုက်နယ် စစ်ဘေးရှောင်ကူညီရေးအဖွဲ့က ပြောပါတယ်။
စုံစင်ဖျားရွာဘက်ကနေ တောင်ပျောက်တိုက်နယ်ကို စစ်ကောင်စီတပ် အင်အား ၁၀၀ လောက်နဲ့ စစ်ကြောင်းထိုးလာတာလို့ ဒေသခံတဦးက ပြောပါတယ်။
ဘေးလွတ်ရာ ထွက်ပြေးတိမ်းရှောင်နေတဲ့ ပြည်သူတွေ နေရာထိုင်ခင်းနဲ့ စားနပ်ရိက္ခာအတွက် တောင်ပျောက်တိုက်နယ် စစ်ဘေးရှောင်ကူညီရေးအဖွဲ့က ကူညီဆောင်ရွက်ပေးနေပြီး အဲဒီဘက်မှာ ဆက်သွယ်ရေးဖုန်းလိုင်းတချို့လည်း ဖြတ်တောက်ခံထားရတယ်လို့ ဆိုပါတယ်။
တောင်ပျောက်တိုက်နယ်မှာ စစ်ကောင်စီတပ်တွေနဲ့ ပြည်သူ့ကာကွယ်ရေးတပ်တွေအကြား တိုက်ပွဲတွေ မကြာခဏဖြစ်ပွားလေ့ရှိပြီး ယခင်ကတည်းက စစ်ရှောင်စခန်းမှာ စစ်ဘေးရှောင်နေထိုင်သူ ၁၀၀၀ လောက် ရှိတယ်လို့ သိရပါတယ်။
