လေတပ်အရာရှိ ၁ ဦး အာဏာဖီဆန်CDM ပြုလုပ်၊ ပြည်သူနှင့်ပူးပေါင်း
DVB
·
February 23, 2022
နေပြည်တော် အမှတ် ၄၅ ကင်းထောက်လေတပ်စခန်းမှာ ၁၇ နှစ်ကျော် တာဝန်ထမ်းဆောင်ခဲ့တဲ့ လေတပ်အရာရှိတစ်ယောက်ဟာ CDM လုပ်ဖို့ မိသားစုနဲ့အတူ ရောက်လာခဲ့တယ်လို့ ပြည်သူ့ကာကွယ်ရေးတပ်-ဒီးမော့ဆိုက ဖေဖော်ဝါရီ ၂၂ ရက်မှာ ထုတ်ပြန်ပါတယ်။
မန္တလေးတိုင်း ပြင်ဦးလွင်မှာ သင်တန်းတက်နေတဲ့ DSA အပတ်စဉ် ၅၀ ဗိုလ်ကြီးဇေသူအောင်ဟာ အခုလ ၁၅ ရက်က မိသားစုနဲ့အတူ ပြည်သူ့ကာကွယ်ရေးတပ်-ဒီးမော့ဆိုကို ရောက်လာခဲ့တယ်လို့ သတင်းထုတ်ပြန်ချက်မှာ ဖော်ပြထားပါတယ်။
ပြည်သူ့ဘက်တော်သားအဖြစ် ရပ်တည်ဖို့ ပြည်သူနဲ့အတူ ပူးပေါင်းလာတဲ့ ဗိုလ်ကြီးဇေသူအောင်နဲ့ မိသားစုကို လုံခြုံတဲ့နေရာကို စီစဉ်ပေးထားပါတယ်။
ပြည်သူလူထုနဲ့ တသားတည်း ပူးပေါင်းပါဝင်လိုတဲ့ စစ်ကောင်စီတပ်ဖွဲ့ဝင်တွေကိုလည်း ပြည်သူ့ကာကွယ်ရေး တပ်-ဒီးမော့ဆို (DMO-Local PDF)တပ်ဖွဲ့ က နွေးထွေးစွာ ကြိုဆိုလက်ခံဖို့ အသင့်ရှိတယ်လို့ အသိပေးကြေညာထားပါတယ်။
