၂၀၂၂ ခုနှစ်အတွင်းမှာ ပထမဦးဆုံးအကြိမ်အနေနဲ့ စစ်ကောင်စီဗဟိုဘဏ်ကနေ အမေရိကန် ဒေါ်လာ ၁၅ သန်းကို တစ်ဒေါ်လာ ၁၇၇၈ ကျပ်နှုန်းနဲ့ ဇန်နဝါရီ ၇ ရက်က စတင်ထုတ်ရောင်းလိုက်ပါတယ်။
ဒီဇင်ဘာလတုန်းကလည်း အမေရိကန်ဒေါ်လာ ၁၁၈ သန်းကို တစ်လတည်းနဲ့ စံချိန်တင် အများဆုံး ရောင်းချခဲ့ပါသေးတယ်။
ဒါ့အပြင် ၂၀၂၁ ခုနှစ် အောက်တိုဘာလ ၁၈ ရက်နေ့တုန်းကလည်း တစ်ကြိမ်တည်းနဲ့ ဒေါ်လာ သန်း ၅၀ ထုတ်ရောင်းခဲ့ပြီး တရက်ထဲ ရောင်းချမှုရဲ့ အမြင့်ဆုံး စံချိန်တင်ခဲ့သလို အောက်တိုဘာလထဲမှာ စုစုပေါင်း ဒေါ်လာ သန်း ၁၁၀ နဲ့ ဒုတိယ အများဆုံး ထုတ်ရောင်းခဲ့တာပါ။
စစ်အာဏာသိမ်းပြီးနောက်ပိုင်း ၂၀၂၁ ခုနှစ်ထဲမှာတုန်းကတော့ ၁၁ လအတွင်း အမေရိကန်ဒေါ်လာ စုစုပေါင်း ၄၄၃ ဒသမ ၈ သန်း ထုတ်ရောင်းခဲ့ပြီးဖြစ်ပါတယ်။
ဖေဖော်ဝါရီ ၁ ရက် စစ်အာဏာသိမ်းပြီးကနေ အခုချိန်ထိ တစ်နှစ်နီးပါးအတွင်း အကြိမ်ရေ ၅၀ ခွဲပြီး ထုတ်ရောင်းချခဲ့တဲ့ အမေရိကန်ဒေါ်လာ ပမာဏစုစုပေါင်း ၄၅၈ ဒသမ ၈ သန်း ရှိနေပြီဖြစ်ပါတယ်။
