ဒီဇင်ဘာလ ၁၀ ရက်နေ့ ကျရောက်မယ့် အပြည်ပြည်ဆိုင်ရာ လူ့အခွင့်အရေးနေ့ အထိမ်းအမှတ်အနေနဲ့ “ဆိတ်သုဉ်းနေတဲ့ လူ့အခွင့်အရေး တော်လှန်ရေးနဲ့ သိမ်းပိုက်ကြ” ဆိုတဲ့ ဆောင်ပုဒ်နဲ့ Online Campaign တခုကို ပြုလုပ်နေပါတယ်။
လူ့အခွင့်ရေးချိုးဖောက်မှုတွေ၊ စစ်အာဏာရှင်ရဲ့ ရာဇ၀တ်မှုကျူးလွန်မှုတွေကို ခံစားနေကြရတဲ့ ပြည်သူတွေအနေနဲ့ ပြည်သူက ပြည်သူကို ကူညီကြရင်း ကိုယ်ပိုင်လူ့အခွင့်အရေးတွေ ပြန်လည်ရရှိဖို့ မြန်မာနိုင်ငံသားတိုင်း ပါ၀င်ဆောင်ရွက်နိုင်အောင် ဒီ Campaign နဲ့ စတင်လိုက်တာလို့လည်း သိရပါတယ်။
ဒါ့အပြင် လူ့အခွင့်အရေးဆိတ်သုဉ်းနေတဲ့ နိုင်ငံတော်မှာ နေထိုင်ကြရတဲ့ ပြည်သူတွေအရေးကို ကမ္ဘာတဝန်းလုံးသိမြင်လာအောင် နှိုးဆော်တာလို့လည်း ဆိုပါတယ်။
အမျိုးသားညီညွတ်ရေးအစိုးရ လူ့အခွင့်အရေးဝန်ကြီး ဦးအောင်မျိုးမင်းကလည်း လူ့အခွင့်အရေးကို တန်ဖိုးထားသူတိုင်း ပါဝင်ပေးဖို့နဲ့ အနည်းဆုံး ဒီဇင်ဘာလ ၁၅ ရက်နေ့အထိ ပါဝင်ပေးဖို့ သူ့ရဲ့ Facebook စာမျက်နှာကနေ တိုက်တွန်းထားပါတယ်။
ဒီကမ်ပိန်းမှာဆိုရင် နယ်ပယ်အသီးသီးက ထင်ရှားကျော်ကြားသူတွေ၊ စာပေပေနုပညာရှင်တွေသာမက ပြည်သူတွေပါ ပါဝင်နေကြပါတယ်။
