ဘိုကလေးတွင် PDF ကို စိန်ခေါ်သူ ပစ်သတ်ခံရ
DVB
·
October 28, 2021
ဧရာဝတီတိုင်း၊ ဘိုကလေးမြို့နယ်မှာ ပြည်သူ့ကာကွယ်ရေးတပ်ဖွဲ့ PDF တွေကို ဆဲဆိုစိန်ခေါ်နေတဲ့ ပျူစောထီးအဖွဲ့ဝင်လို့ လူသိများသူ တစ်ဦး အောက်တိုဘာ ၂၈ ရက် ဒီနေ့မနက် ၁၀ နာရီဝန်းကျင်က သေနတ်နဲ့ ပစ်သတ်ခံလိုက်ရတယ်လို့ မြို့ခံတွေက ပြောပါတယ်။
ပစ်ခတ်ခံရသူမှာ ချစ်စမ်းမောင်ဆိုသူဖြစ်ပြီး ဘိုကလေးမြို့မဈေးထဲ မနက်ခင်းစျေး လူစည်ကားချိန် ပစ်ခတ်ခံရတာလို့ ဆိုပါတယ်။
ချစ်စမ်းမောင်ကို ဧရာဝတီအခြေစိုက် ဧရာဗေဒါအဖွဲ့က ပစ်ခတ်လိုက်တာဖြစ်ပြီး အမြဲဆဲဆို စိန်ခေါ်နေတာကြောင့် ရှင်းလင်းလိုက်တာလို့ ဧရာဗေဒါအဖွဲ့က အတည်ပြုပါတယ်။
