ထီးချိုင့်မြို့နယ် ကမ်းနီရဲစခန်းကို PDF က ဝင်ရောက်စီးနင်း မီးရှို့
DVB
·
October 5, 2021
စစ်ကိုင်းတိုင်း၊ ထီးချိုင့်မြို့နယ်၊ ကမ်းနီရဲစခန်းကို အောက်တိုဘာ ၄ ရက်နေ့ ည ၁၀ နာရီခွဲဝန်းကျင်မှာ ထီးချိုင့် PDF က ဝင်ရောက်စီနင်း မီးရှို့ခဲ့ပါတယ်။
ကမ်းနီးရဲစခန်းကို ထီးချိုင့် PDF အဖွဲ့ဝင် ၁၀၀ လောက်နဲ့ စီးနင်းခဲ့တာဖြစ်ပြီး စစ်ကောင်စီ ဒေါက်တိုင်ဖြစ်တဲ့ စခန်းကိုလည်း မီးရှို့ခဲ့တယ်လို့ သိရပါတယ်။
“ကမ်းနီရဲစခန်းက ထီးချိုင့် PDF တွေ မနေ့က ည ၁၀ နာရီလောက် ဝင်ရောက်စီးနင်းခဲ့တယ်။ ရဲစခန်းကို မီးရှို့ဖျက်ဆီးသွားတယ်။ အဲဒီရဲစခန်းက ရဲတွေက ပြီးခဲ့တဲ့ ၃ လောက်ကတည်းက အကုန်လုံး ရွှေ့ပြောင်းထားတယ်” လို့ ဒေသခံတစ်ဦးက ပြောပါတယ်။
အောက်တိုဘာ ၃ ရက်နေ့ကလည်း ထီးချိုင့်မြို့နယ် အလယ်တောရဲစခန်း မီးရှို့ ဖျက်ဆီးခံရပါတယ်။
