တန့်ဆည်မြို့နယ်အတွင်းက မိုင်တဲလ်တာဝါတိုင် ဗုံးခွဲဖျက်ဆီးခံရ
DVB
·
September 8, 2021
စစ်ကိုင်းတိုင်း၊ တန့်ဆည်မြို့နယ်၊ သစ္စေးပင်လှကျေးရွာအနီးက မိုင်တဲလ်တာဝါတိုင်ကို စက်တင်ဘာ ၇ ရက် ည ၁၀ နာရီလောက်မှာ မြေအောက်တော်လှန်ရေးအဖွဲ့တစ်ဖွဲ့က ဗုံးခွဲ ဖျက်ဆီးလိုက်တယ်လို့ သိရပါတယ်။
မိုင်တဲလ်ဆက်သွယ်ရေးကုမ္ပဏီဟာ အာဏာသိမ်းစစ်ခေါင်းဆောင် မင်းအောင်လှိုင် မိသားစုပိုင်ဖြစ်နေတာကြောင့် တာဝါတိုင်ကို ဖောက်ခွဲဖျက်ဆီးတာလို့ မြေအောက်တော်လှန်ရေး အဖွဲ့က ပြောပါတယ်။
စစ်ကိုင်းတိုင်းအတွင်းမှာ မနေ့ကတရက်တည်း ဘုတလင်မြို့နယ်က မိုင်တဲလ်တာဝါတိုင် ၁၁ ခု ဖောက်ခွဲဖျက်ဆီးခံခဲ့ရပါတယ်။
တန့်ဆည်မြို့ပေါ်က ရဲနှစ်ဦး အသတ်ခံရပြီးနောက်ပိုင်း စစ်တပ်က အပြစ်မဲ့သူတွေကို ဖမ်းဆီးတာတွေ လုပ်နေသလို၊ ညနေ ၆ နာရီကနေ မနက် ၆ နာရီအထိ မာရှယ်လော ထုတ်ပြန်ထားပြီး နေ့ခင်းဖွင့်တဲ့ ဈေးဆိုင်အချို့ကို အတင်းပိတ်ခိုင်းတာတွေရှိနေကာ ကားအဝင်အထွက်တွေကိုလည်း တင်းကျပ်တဲ့ စစ်ဆေးမှုတွေလုပ်နေတယ်လို့ ဆိုပါတယ်။
