ထိုင်းနိုင်ငံသို့ တရားမဝင် ဝင်လာသည့် ရွှေ့ပြောင်းမြန်မာလုပ်သား ၂၄ ဦး ဖမ်းဆီးခံရ
DVB
·
September 1, 2021
ထိုင်းနိုင်ငံထဲ တရားမဝင် ဝင်ရောက်လာတဲ့ ရွှေ့ပြောင်းမြန်မာအလုပ်သမား ၂၄ ယောက် စက်တင်ဘာ ၁ ရက်က ထိုင်းစစ်တပ်ရဲ့ ဖမ်းဆီးခံလိုက်ရပါတယ်။
ကရင်ပြည်နယ်၊ မြဝတီမြို့ကနေတဆင့် ထိုင်းနိုင်ငံ၊ မဲဆောက်မြို့ကို ကျော်ပြီး ဖဝေါ်တိုက်နယ် (ပူးပဲ့ကျေးရွာ) ရပ်ကွက် (၃) မှာ ဒေသခံ ထိုင်းပြည်သူရဲ့ သတင်းပေးပို့ချက်အရ စစ်တပ်လုံခြုံရေးယူနေစဉ် တရားမဝင် ဝင်ရောက်လာတဲ့ မြန်မာရွှေ့ပြောင်း အလုပ်သမား အမျိုးသား ၁၆ ဦး အမျိုးသမီး ၈ ဦး စုစုပေါင်း ၂၄ ဦးကို တွေ့ရှိပြီး ဖမ်းဆီးသွားပါတယ်။
ဖမ်းဆီးမိတဲ့ ရွှေ့ပြောင်းမြန်မာအလုပ်သမားတွေကို ကိုယ်ပူချိန်ကျန်းမာရေးစစ်ဆေးပြီး သက်ဆိုင်ရာကို အပ်နင်းကာ ထိုင်းနိုင်ငံ ပြည်တွင်းတရားမဝင်ဝင်ရောက်မှု စာရွက်စာတန်းမပါတဲ့အတွက် ထိုင်းနိုင်ငံ တရားဥပဒေအတိုင်း အရေးယူသွားဖို့ ရှိနေပါတယ်။
