ဧရာဝတီတိုင်း၊ ကန်ကြီး​ထောင့်မြို့နယ် ဇူလိုင် ၁၂ ရက်​က မြန်မာ့စီးပွား​ရေးဘဏ်ဝန်ထမ်း ၁၁ ဦးအပါအဝင် ကိုဗစ်-၁၉ အတည်ပြုလူနာ ၇၁ ဦးရှိပြီး လူနာ ၁ ဦး သေဆုံးခဲ့တယ်လို့ သိရပါတယ်။

ပိုး​တွေ့ရှိသူတွေကတော့ မြန်မာ့စီးပွား​ရေးဘဏ်ဝန်ထမ်းတွေအပါအဝင် ​မြေစာရင်း၊ စည်ပင်သာယာ၊ သမဝါယမနဲ့ အခွန်ဦးစီးဌာနက ဝန်ထမ်းတွေလည်း ပါဝင်တယ်လို့ သိရပါတယ်။

ကန်ကြီး​ထောင့်မြို့မှာ ပြည်သူတွေ ​နေအိမ်မှာသာ ​နေထိုင်ကြဖို့၊ မဖြစ်မ​နေ သွားလာသူတွေအနေနဲ့ Mask ၊ Face shield နဲ့ လက်အိတ်တွေ ဝတ်ဆင်သွားကြဖို့ အသိ​ပေး ထုတ်ပြန်ထားပါတယ်။

ကန်ကြီးထောင့်မြို့နယ်မှာ ကိုဗစ်အတည်ပြုလူနာ ၃၂၀ ကျော်နဲ့ သေဆုံးသူ ၅ ဦးရှိပြီလို့ သိရပါတယ်။ ကိုဗစ်အတည်ပြုလူနာတွေ ကန်ကြီးထောင့်မြို့နယ်ဆေးရုံ၊ ဆေးရုံဟောင်း၊ သဘာဝဘေးဖြစ်ပါက ထားဖို့ ဆောက်ထားတဲ့နေရာတွေမှာ ကုသပေးနေပါတယ်။

ကန်ကြီး​ထောင့်မြို့နယ်အား Stay at home အဖြစ် စစ်ကောင်စီရဲ့ ကျန်းမာ​ရေးဝန်ကြီးဌာနက ဇူလိုင် ၁၂ ရက်​နေ့မှာ ထုတ်ပြန်ထားပါတယ်။