ဗကသများအဖွဲ့ချုပ် သပိတ်စစ်ကြောင်း ခေါင်းဆောင်အပါအဝင် ၄ ဦး ဖမ်းဆီးခံရ
DVB
·
July 5, 2021
မန္တလေးမြို့မှာ ဇူလိုင်လ ၄ ရက်နေ့က ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် သပိတ်စစ်ကြောင်းရဲ့ သပိတ်ခေါင်းဆောင်အပါအဝင် ၄ ယောက် ဖမ်းဆီးခံရပါတယ်။
ဗကသများအဖွဲ့ချုပ် သပိတ်စစ်ကြောင်းရဲ့ သပိတ်ခေါင်းဆောင် ကိုမြတ်သူ အပါအဝင် ၄ ယောက်ဟာ နေအိမ်တစ်အိမ်မှာ ရှိနေတဲ့အချိန် အာဏာသိမ်းစစ်ကောင်စီရဲ့ လက်နက်ကိုင်အဖွဲ့တွေ အင်အားအလုံးအရင်းနဲ့ ဝင်ရောက်ဖမ်းဆီးတာလို့ ဗကသ ကျောင်းသား တစ်ဦးက ပြောပါတယ်။
သူတို့ ၄ ယောက်ကို ဘယ်မှာ ဖမ်းဆီးထားတယ်ဆိုတာကိုတော့ မသိရသေးပါဘူး။
