ဗိုလ်ချုပ်ကြီးယွက်စစ်နေရာ အစားထိုးနိုင်ရေး  PPST အဖွဲ့ အစည်းအဝေးကို ဇူလိုင် ၆ ရက်နေ့ ပြန်စမယ်လို့ သိရပါတယ်။

တစ်နိုင်ငံလုံးပစ်ခက်တိုက်ခိုက်မှုရပ်စဲရေးသဘောတူစာချုပ် (NCA) မှာ လက်မှတ်ရေးထိုးထားတဲ့ တိုင်းရင်းသားတော်လှန်ရေးအဖွဲ့တွေရဲ့ ငြိမ်းချမ်းရေးလုပ်ငန်းစဉ်ဦးဆောင်အဖွဲ့ PPST ရဲ့ ၁၇ ကြိမ်မြောက်အစည်းအဝေးမှာ ဆွေးနွေးမယ့် အကြောင်းအရာတွေ မပြီးပြတ်သေးတာကြောင့် ဇူလိုင် ၆ ရက်နေ့နဲ့ ၇ ရက်နေ့မှာ ပြန်လည်ပြုလုပ်ဖို့ ဆုံးဖြတ်ခဲ့ကြပါတယ်။ 

အခုပြုလုပ်တဲ့ အစည်းအဝေးမှာ အမျိုးသားညီညွတ်ရေးအစိုးရအဖွဲ့နဲ့ပတ်သက်ပြီး ဘုံသဘောထားချမှတ်နိုင်ရေးအတွက်ဆွေးနွေးကြမှာဖြစ်သလို ယာယီအဖွဲ့ခေါင်းဆောင် ဗိုလ်ချုပ်ကြီး ယွက်စစ်က နုတ်ထွက်စာတင်ထားတဲ့ ကိစ္စတွေကို ဆွေးနွေးဖို့ရှိနေခဲ့တာပါ။ 

ဒါပေမဲ့ ယာယီအဖွဲ့ခေါင်းဆောင် နုတ်ထွက်ခဲ့ရင် သူရဲ့နေရာ အစားထိုးနိုင်ရေးနဲ့ အကူးအပြောင်းကာလမှာ အခုကျင်းပခဲ့တဲ့ အစည်းအဝေးမှာ အဖြေမထွက်သေးဘဲ ၁၈ ကြိမ်မြောက်အစည်းအဝေးထပ်မံပြုလုပ်ဖို့ သဘောတူခဲ့ကြတာဖြစ်ပါတယ်။