မြေနီကုန်း ခုံးတံတားအောက်က ယာဉ်ထိန်းရဲရုံး ဗုံးပေါက်
DVB
·
July 1, 2021
ရန်ကုန်မြို့ မြေနီကုန်း ဗားကရာလမ်းနဲ့ ပြည်လမ်းမီးပွိုင့်ဆုံရာ ခုံးတံတားအောက်မှာ ဇူလိုင်လ ၁ ရက် မနက် ၈ နာရီအချိန်လောက်က ဗုံးပေါက်ကွဲမှု ဖြစ်ပွားခဲ့တယ်လို့ နီးစပ်သူတွေထံက သိရပါတယ်။
ခုံးတံတားအောက်က ယာဉ်ထိန်းရဲရုံးထဲမှာ ပေါက်ကွဲခဲ့တာဖြစ်ပြီး ပေါက်ကွဲချိန်မှာ ယာဉ်ထိန်းရဲတွေ မရှိဘဲ လမ်းသွားလမ်းလာ အမျိုးသမီးတစ်ဦး ထိခိုက်ဒဏ်ရာရရှိခဲ့တယ်လို့ သိရပါတယ်။
ဗုံးပေါက်ကွဲမှုအပြီး တပ်မတော်လုံခြုံရေးအဖွဲ့များ ရောက်လာပြီး ရှာဖွေစစ်ဆေးတာတွေ လုပ်ဆောင်နေတယ်လို့ သိရပါတယ်။
