မြို့သစ်မြို့တွင် ကိုဗစ်-၁၉ အတည်ပြုလူနာ ၅ ဦးတွေ့ရှိ
DVB
·
June 26, 2021
မကွေးတိုင်းဒေသကြီး မြို့သစ်မြို့မှာ ဇွန် ၂၅ ရက်နေ့က ကိုဗစ်-၁၉ အတည်ပြုလူနာ ၅ ယောက်တွေ့ရှိခဲ့တယ်လို့ ပရဟိတ အဖွဲ့ဝင်တွေဆီကနေ သိရပါတယ်။
မြိုသစ်မြို့၊ ကွက်သစ်ရပ်၊ ဇီဇဝါလမ်းနေ အသက် (၄၂) နှစ်အရွယ် အမျိုးသမီးတစ်ယောက် အနံ့ပျောက်တဲ့အတွက် မြို့သစ်ပြည်သူ့ဆေးရုံမှာ RDT နဲ့ စစ်ဆေးရာ ကိုဗစ်- ၁၉ ရောဂါပိုး စတင်တွေ့ခဲ့တာလို့ ပရဟိတအဖွဲ့ဝင်တစ်ယောက်က ပြောပါတယ်။
ဒါအပြင် အဲဒီအမျိုးသမီးရဲ့ ခင်ပွန်းဖြစ်သူ၊ ကလေး ၂ ယောက်နဲ့ စာသင်ပေးနေတဲ့ ဆရာမကို စစ်ဆေးရာမှာလည်း ကိုဗစ်-၁၉ ရောဂါပိုးထပ်မံတွေရှိခဲ့ပြီး ဘယ့်ဆီက ရောဂါစကူးတယ်ဆိုတာကို အတည်မပြုနိုင်သေးဘူးလို့ ဆိုပါတယ်။
လက်ရှိပိုးတွေ့လူနာတွေရဲ့ ကျန်းမာရေးအခြေအနေမှာ ကောင်းမွန်ပြီး စစ်ကောင်စီရဲ့ မြို့သစ်ပြည်သူ့ဆေးရုံက သီးသန့်ဆောင်မှာ ကုသပေးသွားမယ်လို့ သိရပါတယ်။
