Homeမြန်မာသတင်း
ဒီပဲယင်းမြို့နယ်၌ တောရဘုန်းကြီးကျောင်းကို စစ်တပ်ကဝင်မွှေပြီး ငွေကျပ် ၁၅ သိန်းကျော်ခိုးယူ
ဒီပဲယင်းမြို့နယ်၌ တောရဘုန်းကြီးကျောင်းကို စစ်တပ်ကဝင်မွှေပြီး ငွေကျပ် ၁၅ သိန်းကျော်ခိုးယူ
DVB
·
June 9, 2021
စစ်ကိုင်းတိုင်း၊ ဒီပဲယင်းမြို့နယ်၊ ယဉ်ကျေးရွာမှာ ဇွန်လ ၈ ရက် မနက်က အကြမ်းဖက်စစ်တပ်က တောရဘုန်းကြီး ထဲဝင်ရောက်ရှာဖွေပြီး ငွေကျပ် ၁၅ သိန်းကျော်ခိုးယူသွားတယ်လို့ ဒေသခံတစ်ဦးက ပြောပါတယ်။
အကြမ်းဖက်စစ်တပ်က မနက် ၇ နာရီလောက်မှာ စစ်ကား ၃ စီး လူအင်အား ၅၀ လောက်နဲ့ ရောက်လာပြီး တောရဘုန်းတော်ကြီးကျောင်းမှာရှိတဲ့ ကျောင်းသုံးပစ္စည်းတွေကို ဝင်ရောက်မွှေ နှောက်ဖျက်ဆီးကာ ဘုန်းကြီးကျောင်းက ငွေတွေကိုလည်းယူဆောင်သွားလို့ ဆိုပါတယ်။
ဘုန်းကြီးကျောင်းမှာ စစ်သင်တန်းပေးနေတယ်ဆိုပြီး ဒလန်တစ်ယောက်က သတင်းပေးလို့ စစ်တပ်က လာရောက်ပြီး ရှာဖွေသွားတာလို့လည်း သိရပါတယ်။
