မင်္ဂလာဒုံစက်မှုဇုန်က အထည်ချုပ်ဝန်ထမ်းများ ပိတ်စများပေါ် စာရေးဆန္ဒပြ
DVB
·
May 29, 2021
ရန်ကုန်တိုင်း မင်္ဂလာဒုံစက်မှုဇုန် အလုပ်သမား ၂၀၀၀ ကျော်ရှိတဲ့ အထည်ချုပ်စက်ရုံက ဝန်ထမ်းတွေဟာ မေ ၂၉ ရက်မှာ စစ်အာဏာရှင်ကို ဆန်ကျင့်တဲ့ အထည်ချုပ်သပိတ် ပြုလုပ်ခဲ့ ကြပါတယ်။
အခုလို ဆန္ဒပြတာကို အလုပ်ရှင်မသိအောင် ပိတ်စတွေပေါ်မှာ စစ်အာဏာရှင် အလိုမရှိကြောင်း ရေးသားပြီး လူမှုကွန်ရက်စာမျက်နှာပေါ် တင်ခဲ့ကြတာဖြစ်ပါတယ်။
အဲဒီအထည်ချုပ်စက်ရုံက ဝန်ထမ်းတစ်ယောက်က စားဝတ်နေရေးကြောင့် အလုပ်လုပ်နေရပေမဲ့ သွေးမအေးဘူးဆိုတာကို ပြသချင်တာကြောင့် အခုလို ပြုလုပ်တာဖြစ်ပြီး ကိုယ့်ကိုယ်ကိုလည်း အလုပ်လုပ်နေရတဲ့အတွက် ဒီတော်လှန်ရေးမှာ လိပ်ပြာမလုံသလို ခံစားရတယ်လို့ ပြောပါတယ်။
