မုံရွာစက်မှုဇုန်ရပ်ကွက် အုပ်ချုပ်ရေးမှူးရုံး မီးလောင်
DVB
·
May 11, 2021
မုံရွာမြို့ စက်မှုဇုန်ရပ်ကွက် ရပ်ကွက်အုပ်ချုပ်ရေးမှူးရုံးမှာ မေလ ၁၀ ရက် ည ၁၀ နာရီခွဲလောက်က မီးလောင်မှုဖြစ်ပွားခဲ့ပါတယ်။
စက်မှုဇုန်ရပ်ကွက်နေ ပြည်သူတစ်ဦးက “ အခုမီးလောင်တာက ကျနော်တို့ ရပ်ကွက်အုပ်ချုပ်ရေးမှူးရုံး။ ဘယ်ကစလောင်တယ်ဆိုတာမသိပါဘူး ။ ရပ်ကွက်အုပ်ချုပ်ရေးမှူးရုံးကတော့ မီးလောင်ပြီး ပြာကျသွားတယ်” လို့ပြောပါတယ်။
မီးလောင်မှုမှာ လူတွေထိခိုက်ဒဏ်ရာရတာတော့မရှိပါဘူး။ မီးလောင်မှုကြောင့် ပျက်စီးဆုံးရှုံးမှု ပမာဏကိုတော့ မသိရသေးပါဘူး။
