မြန်မာအဲဝေးစ် အင်တာနေရှင်နယ်လေကြောင်းလိုင်း(MAI)က ရန်ကုန်-ဘန်ကောက် အထူးလေကြောင်းခရီးစဉ်တွေကို မေလထဲမှာ အပတ်စဉ် စနေနေ့တိုင်း အထူးကယ်ဆယ်ရေး လေယာဉ်အနေနဲ့ ပျံသန်းပြေးဆွဲသွားမယ်လို့ သိရပါတယ်။
စီးနင်းလိုက်ပါလိုတဲ့ ခရီးသည်တွေအနေနဲ့ ခရီးစဉ်တကြောင်းစာ Economy Class အတွက် အမေရိကန်ဒေါ်လာ ၁၅၀၊ Business Class အတွက် အမေရိကန်ဒေါ်လာ ၃၂၀ သတ်မှတ်ထားပါတယ်။
ထိုင်းနိုင်ငံသားတွေအတွက် မေ ၁ ရက်နေ့က စတင်ထုတ်ပေးထားတဲ့ ပြည်ဝင်ခွင့် အထောက်အထားလက်မှတ်၊ ထိုင်းနိုင်ငံသားမဟုတ်တွေအတွက် ပြည်ဝင်ခွင့်အထောက် အထားလက်မှတ်အပြင် ကိုဗစ်-၁၉ ရောဂါကင်းရှင်းကြောင်း ၇၂ နာရီအတွင်း ဆေးစစ် ချက်လက်မှတ်၊ ခရီးသွားကျန်းမာရေးအာမခံ အနည်းဆုံးအမေရိကန်ဒေါ်လာ ၁ သိန်းတန် ပြသရမှာဖြစ်တယ်လို့ ကြေညာထားပါတယ်။
ခရီးစဉ်လက်မှတ်တွေကိုတော့ သက်ဆိုင်ရာ လက်မှတ်အရောင်းကိုယ်စားလှယ်တွေ အပါအဝင် MAI ရဲ့ Website နဲ့ Mobile App တို့ကတဆင့်လည်း ကိုယ်တိုင်ဝယ်ယူနိုင်ပြီး လိုအပ်တဲ့ အချက်အလက် အသေးစိတ်ကို ဆက်သွယ်စုံစမ်းနိုင်မှာ ဖြစ်ပါတယ်။
