တပ်မတော်လေမှ ထွက်ခွာသည့်အရာရှိစစ်သည် ၈၀ ခန့် ရှိ
DVB
·
May 3, 2021
မြန်မာတပ်မတော်လေရဲ့ တပ်ဌာနချုပ်တွေက အရာရှိစစ်သည် ၈၀ လောက်ဟာ တပ်က နေထွက်ပြီးနောက်မှာ အဆက်အသွယ်မရ ဖြစ်နေတယ်လို့ တပ်မတော်လေနဲ့နီးစပ်သူက ပြောပါတယ်။
အခုတပ်မတော်လေက ထွက်သွားတဲ့ အရာရှိစစ်သည်တွေဟာ မန္တလေး တံတပ်ဦး၊ နမ့်ဆန်၊ မြစ်ကြီးနား၊ ပုသိမ်၊ မင်္ဂလာဒုံနဲ့ တောင်ငူလေတပ်တွေက တပ်မတော်သားတွေ ဖြစ်တယ်လို့ ဆို ပါတယ်။
လေတပ်ဌာနချုပ်တွေမှာ ရှိနေတဲ့ တပ်မတော်သားတွေအနေနဲ့ နေစဉ် ည ၈ နာရီမှာ တန်းစီရကာ အဲဒီအချိန်မှာ မတွေ့ဘဲ ဖုန်းဆက်လို့ အဆက်အသွယ် မရပါက သက်ဆိုင်ရာ လေတပ် ဌာနချုပ်တွေက ကာကွယ်ရေးဦးစီးချုပ်ရုံး(လေ)ကို ပျောက်ဆုံးအဖြစ် ကြေးနန်းပို့ ရတာ ဖြစ်ပါတယ်။
လတ်တလောမှာတော့ စစ်တပ်က အာဏာသိမ်းတဲ့အပေါ် မလိုလားတဲ့ တပ်မတော် အရာရှိစစ်သည် ရာနဲ့ချီပြီး CDM လုပ်ထားကြပါတယ်။
