စစ်ကိုင်းတိုင်း ယင်းမာပင်မြို့နယ်အတွင်း  ​ကျေးလက်​ဒေသ​တွေမှာ မတ် ၁၂ ရက်​နေ့က အာဏာသိမ်းစစ်​ကောင်စီကို ကန့်ကွက်တဲ့ ဆန္ဒပြပွဲမှာ ​ပိုမိုအင်အားများလာတယ်လို့ ဆန္ဒပြသူတွေက ပြောပါတယ်။

​ကျေးရွာအချင်းချင်းချိတ်ဆက်ပြီး စုရပ်ပုံစံမျိုး​တွေနဲ့ ကျင်းပပြုလုပ် ဆန္ဒပြခဲ့ကြတာပါ။

အခုလို​ကျေးလက်​ဒေသ​တွေမှာ စုစည်းဆန္ဒထုတ်​ဖော်​နေကြတာဟာ မြို့​ပေါ်​တွေမှာ အတားအဆီး​ ဖြိုခွင်းမှုတွေများလာ​တာကြောင့် ​ရှောင်ကွင်းတဲ့ပုံစံဖြစ်သလို မိမိတို့ရဲ့ဆန္ဒကို အဆင်​ပြေနိုင်တဲ့နည်းလမ်း​တွေကိုသုံးပြီး စစ်အာဏာရှင်ကျဆုံး​အောင်ထိ ဆက်လက်ဆန္ဒပြသွားကြမယ်လို့ ဆိုပါတယ်။

ယင်းမာပင်မြို့မှာ မတ် ၁၁ ရက်​နေ့က စစ်အာဏာရှင်ဆန့်ကျင်​ရေးဆန္ဒပြပွဲမှာ ဖမ်းဆီး​မှုတွေ စရှိခဲ့ပြီး ဖမ်းဆီးခံရသူ​တွေကို​ ခံဝန်နဲ့ပြန်လွှတ်​ပေးခဲ့ပါတယ်။