ရန်ကုန် တောင်ဥက္ကလာပမြို့နယ်  ပဒေသာလမ်းဆုံနားက  မေတ္တာလမ်းမပေါ်ရှိ သပိတ်ကို ဒီနေ့ မနက် ၁၁ နာရီလောက်က  စစ်ကား ၈ စီးလောက်ဝင်လာပြီး လက်နက်ကိုင် အင်အားအလုံးအရင်းနဲ့  အသံဗုံးတွေအပြင် သေနတ်ပစ်ခတ်နှိမ်နင်းခဲ့တာရှိ ကြောင်း မျက်မြင်တွေက ပြောပါတယ်။ 

ပစ်ခတ်မှုကြောင့် ဆန္ဒပြသူတွေ ပြေးလွှားနေကြရပြီး ရဲနဲ့စစ်တပ်က လိုက်ဖမ်းဆီးနေတယ်လို့လည်း ဆိုပါတယ်။ ဒီနေ့  တောင်ဥက္ကလာသပိတ်ကို နာမည်ကြီး အဆိုတော်တချို့လည်း ဝင်ရောက်အားဖြည့်ပါဝင်လာတာ တွေ့ရပါတယ်။