စစ်တပ်ပစ်ခတ်မှုကြောင့် သေဆုံးခဲ့သည့် မောင်ဝေယံထွန်းကို မီးရထားဝန်ထမ်းများက ဂါရဝပြု
DVB
·
February 24, 2021
စစ်တပ်က သေနတ်နဲ့ပစ်ခတ်မှုကြောင့် သေဆုံးခဲ့တဲ့ မြစ်ငယ်မြို့၊ မြို့ပြင်ကြီးကျေးရွာက မောင်ဝေယံထွန်းကို မြစ်ငယ်မီးရထားစက်ခေါင်းရုံက ဝန်ထမ်းတွေနဲ့ ပြည်သူတွေက ဒီကနေ့ ချီတက် အလေးပြုခဲ့ကြပါတယ်။
အသက် ၁၇ နှစ်အရွယ် မောင်ဝေယံထွန်းဟာ ဖေဖော်ဝါရီ ၂၀ ရက်က မန္တလေးမြို့၊ ကမ်းနားလမ်း ၄၁ လမ်း ကုန်စိမ်းဈေးအနီးမှာ ဆန္ဒပြသူတွေကို စစ်တပ်က ပစ်ခတ်စဉ်မှာ ဦးခေါင်းကို ကျည်ဆန်ထိမှန် သေဆုံးခဲ့တာလည်း ဖြစ်ပါတယ်။
မောင်ဝေယံထွန်းရဲ့ ရက်လည် ဆွမ်းကျွေးကို ဒီနေ့မနက် သူ့ရဲ့နေအိမ်မှာ ပြုလုပ်ခဲ့ပြီး ပြည်သူအများအပြားလာရောက် ဂုဏ်ပြုခဲ့ကြသလို CDM လုပ်ဆောင်နေတဲ့ မီးရထားဝန်ထမ်းတွေနဲ့ ပြည်သူလူထု ရာချီပြီးတော့လည်း လမ်းလျှောက်ချီတက် ဂါရဝပြုခဲ့ကြ ပါတယ်။
ထိန်ထိန်လင်း
