တကောင်းပြည်သူ့ဆေးရုံကိုရောက်လာသည့် စစ်တပ်ဆရာဝန်များ သံပုံးတီး မောင်းထုတ်ခံရ
DVB
·
February 24, 2021
မန္တလေးတိုင်း၊ သပိတ်ကျင်းမြို့နယ်၊ တကောင်းမြို့က ပြည်သူ့ဆေးရုံမှာ စစ်တပ်က ဆရာဝန်တွေရောက်လာတဲ့အတွက် ပြည်သူလူထုက သံပုံးတီးကာ မောင်းထုတ်နေတယ်လို့ သိရပါတယ်။
တကောင်းဆေးရုံက ကျန်းမာရေး ဝန်ထမ်းတချို့လည်း CDM လုပ်ဆောင်နေပြီး စစ်တပ်က စစ်သားတွေနဲ့ တပ်ဆရာဝန်တချို့ဟာ ဖေဖော်ဝါရီ ၂၄ ရက် မနက် ၆ နာရီလောက်က ရောက်လာတာကြောင့် ဒေသခံပြည်သူတွေက ဒီနေ့မနက်ကနေ နေ့လည်ပိုင်းအထိ ဆန္ဒပြတာနဲ့ သံပုံးတီးတာတွေ လုပ်ပြီး မောင်းထုတ်ခဲ့ကြပါတယ်။
ဆေးရုံကိုရောက်လာတဲ့ စစ်တပ် ဆရာဝန်တွေကို ကြံ့ခိုင်ရေးပါတီဝင်တွေနဲ့ လူတချို့က ကြိုဆိုထောက်ခံပွဲ ပြုလုပ်ခဲ့တယ်လို့လည်း သိရပါတယ်။
လတ်တလောမှာတော့ ဆေးရုံဝန်းအတွင်း စစ်ကားတစ်စီးနဲ့အတူ စစ်သား အယောက် ၃၀ လောက် ရှိတယ်လို့လည်း ဒေသခံတွေက ပြောပါတယ်။
ထိန်ထိန်လင်း
