စစ်ကိုင်းတိုင်း ရွှေဘို ၂ ငါးလုံး အထွေထွေသပိတ်မှာဆောင်ရွက်ရာမှာ မြို့နယ်အတွင်းကျေးရွာ သပိတ်စစ်ကြောင်းတွေ၊ CDM ဝန်ထမ်းတွေ၊ မြို့ပေါ်ရပ်ကွက်အလိုက် သပိတ်စစ်ကြောင်းတွေ အပါအဝင် အလွှောအသီးသီးက ပြည်သူ သုံးသိန်းနီးပါး ဆန္ဒပြခဲ့ပါတယ်။

မနက် ၉ နာရီကစတင်ပြီး သပိတ်စစ်ကြောင်းတွေမှာ နေရာအသီးသီးက စတင်ထွက်ခွာကာ မြို့မစည်ပင်သာယာစျေးထိပ် လမ်းမတော် တစ်လျှောက် လှည့်လည်ဆန္ဒထုတ်ဖော်ခဲ့ကြပါတယ်။

အပူပိုင်းစိမ်းလန်းစိုပြေရေးဦးစီးဌာန၊ ပညာရေး၊ ကျန်းမာရေး၊ မြို့နယ်ခရိုင်ရှိ လျှပ်စစ်ဝန်ထမ်းများ၊ ဆည်မြောင်းနှင့်ရေအသုံးချရေး၊ စက်မှုလယ်ယာ၊ ရွှေဘိုညနည်းပညာ၊ shwebo university၊ တိရစ္ဆာန်ဆေးကုဆရာဝန်များအဖွဲ့၊ ကုန်တင်ယာဥ်မောင်းနဲ့ ယာဥ်နောက်လိုက်၊ တောင်သူလယ်သမားသမဂ္ဂ သပိတ်စစ်ကြောင်းတွေ၊ ရွှေဘိုပေါ်ဆန်း စိုက်တောင်သူများ၊စားသောက်ဆိုင်အသင်း၊ အမျိုးသားဒီမိုကရေစီအဖွဲ့ချုပ်သပိတ်စစ်ကြောင်း၊ သပိတ်စစ်ကြောင်းတွေ၊ မြန်မာအစ္စလာမ်လူငယ်အဖွဲ့တွေ၊ ကက်သလစ် ခရစ်ယန်လူငယ်တွေ၊ ဟိန္ဒူလူငယ်တွေတွေ ပါဝင်ခဲ့ကြပါတယ်။