အာဏာဖီဆန်ရေးလှုပ်ရှားမှု (CDM) မှာ ပါဝင်ခဲ့တာကြောင့် ရာထူးက ယာယီရပ်ဆိုင်းခံခဲ့ရ​တဲ့ စစ်ကိုင်းတိုင်း​၊ ​ချောင်းဦးမြို့နယ်က   ဝန်ထမ်းနှစ်ဦးကို သပိတ်​မှောက်ပြည်သူတွေက ဂုဏ်ပြုဆုတွေ ​ပေးအပ်ခဲ့ပါတယ်။

​ဖေ​ဖော်ဝါရီ ၁၁ ရက်စွဲနဲ့ တာဝန်မှ ဆိုင်းငံ့ခံခဲ့ရ​တဲ့ အငယ်တန်းစား​ရေး ဦး​ဇော်မင်းသိန်း နဲ့ ယဥ်​မောင်း ဦးရဲလင်း​အောင် တို့ကို သပိတ်​မှောက်ပြည်သူတွေက ပထမအကြိမ်အဖြစ် ဂုဏ်ပြုခဲ့တာပါ။

​ငွေကျပ်ငါး​သောင်း၊ ဆန်တစ်အိတ်ကို တစ်ဦးတည်း အလှူရှင်ရဲ့ လှူဒါန်းမှုနဲ့ ဂုဏ်ပြု​ပေးအပ်ခဲ့တယ်လို့ သိရပါတယ်။

ဒါ့အပြင် CDM Supporting Group ဖွဲ့စည်းပြီး အခြား​ CDM ဝန်ထမ်းတွေကိုလည်း ဂုဏ်ပြု​ပေးအပ်ဖို့  စီစဉ်နေတယ်လို့ ပင်မသပိတ် ဦး​ဆောင်သူတွေက ​ပြောပါတယ်။

​ချောင်းဦးမြို့နယ်မှာ ကျန်းမာ​ရေး၊ ပညာ​ရေး၊ စက်မှုလယ်ယာ၊ စိုက်ပျိုး​ရေး၊ မီးသတ်၊ စီးပွား​ရေးဘဏ်၊ ​ပေါက်အင်းစိုက်ကွင်း၊ လျှပ်စစ်၊ ​မြေစာရင်း၊ စတဲ့ဌာနတွေက ဝန်ထမ်းတွေ ပူး​ပေါင်းပါဝင်လာပါတယ်။

​ချောင်းဦးမြို့နယ်မှာ ပြည်သူတွေက ဖေ​ဖော်ဝါရီ ၇ ရက်​​နေ့ကစတင်ကာ စစ်အာဏာရှင်ဆန့်ကျင်​ရေး သပိတ်​မှောက်စစ်​ကြောင်းကို စတင်ခဲ့ပြီး နေ့စဉ် ချီတက်ဆန္ဒထုတ်ဖော်နေကြတာပါ။

မာန်ဇာ​မြေမွန် (​ချောင်းဦး)