ဥက္ကံမြို့ စစ်အာဏာရှင်စနစ်ဆန့်ကျင်ရေးဆန္ဒပြပွဲတွင် ဝန်ထမ်းများပါဝင်လာ
DVB
·
February 10, 2021
ရန်ကုန်တိုင်း၊ တိုက်ကြီးမြို့နယ်၊ ဥက္ကံမြို့မှာ ဖေဖော်ဝါရီလ ၁၀ ရက်နေ့က ပြုလုပ်တဲ့ စစ်အာဏာရှင်စနစ် ဆန့်ကျင်ရေးဆန္ဒပြပွဲမှာ ကျန်းမာရေးဝန်ထမ်းတွေ၊ ပညာရေးဝန်ထမ်းတွေ၊ ကျောင်းသား/ကျောင်းသူတွေ လူငယ်တွေနဲ့ ပြည်သူ အင်အား ၅၀၀၀ လောက် ပါဝင်လာပါတယ်။
ဆန္ဒပြသူတွေက ရန်ကုန်-ပြည်ကားလမ်းတလျှောက်ချီတက်ခဲ့ကြပြီး စစ်အာဏာရှင်စနစ်အလိုမရှိ၊ စစ်အာဏာရှင်စနစ်ကျဆုံးရေး၊ ဒေါ်အောင်ဆန်းစုကြည်နှင့်အတူ ဖမ်းဆီးခံခေါင်းဆောင်များ အမြန်ဆုံးလွတ်ပေးရေးစတဲ့ ပိုစတာတွေ ကိုင်ဆောင်ကြွေးကြော် ဆန္ဒပြခဲ့ကြပါတယ်။
တိုက်ကြီးမြို့နဲ့ အဖျောက်မြို့မှာလည်း ပြည်သူတွေနဲ့အတူ ပညာရေးဌာန၊ ကျန်းမာရေးဌာန၊ တိုက်ကြီးမြို့နယ်ရှေ့နေများအဖွဲ့၊ အဖျောက်ရေနံမြေအလုပ်သမားတွေနဲ့ ကျောင်းသား /ကျောင်းသူတွေလည်း ပါဝင်ဆန္ဒပြခဲ့ကြ ပါတယ်။
မေသွယ်
