မောင်သစ်လွင် (လူထု)ကို တစ်သက်တာသတင်းစာဆရာဆု ဂုဏ်ပြုချီးမြှင့်
DVB
·
December 31, 2020
ဝါရင့်သတင်းစာဆရာကြီး မောင်သစ်လွင် (လူထု)ကို မြန်မာနိုင်ငံသတင်းမီဒီယာကောင်စီက ၂၀၁၉ -၂၀၂၀ ခုနှစ်အတွက် တစ်သက်တာ သတင်းစာဆရာဆု ဂုဏ်ပြုချီးမြှင့်လိုက်ပါတယ်။
အခုနှစ်အတွက် အကောင်းဆုံး သတင်းဆောင်းပါးဆုကိုတော့ ကျော်ဇေယျ (မော်ကွန်းမဂ္ဂဇင်း)က ရရှိပြီး အကောင်းဆုံး ရုပ်/သံ သတင်းဆောင်းပါးဆုကိုလည်း မော်ကွန်းသတင်းအဖွဲ့က ရရှိသွားပါတယ်။
ဆုပေးပွဲ အခမ်းအနားကိုတော့ ဒီဇင်ဘာ ၃၀ ရက်နေ့က သတင်းမီဒီယာကောင်စီရုံးခန်းမှာ ကျင်းပခဲ့ပြီး ကောင်စီယာယီဥက္ကဋ္ဌ ဒေါက်တာမျိုးသန့်တင်အပါအဝင် တာဝန်ရှိသူတွေက ဆုရရှိသူတွေကို တစ်ဦးချင်း ဆုချီးမြှင့်ခဲ့ပါတယ်။
