လူငယ်များအတွက် မဲပေးပုံအဆင့်ဆင့် သရုပ်ဖော် Game စတင်မိတ်ဆက်
ဇေယျာချမ်းအေး
·
November 6, 2020
၂၀၂၀ ရွေးကောက်ပွဲမှာ အသက် ၁၈ပြည့်ပြီး ပထမဆုံးအကြိမ်မဲပေးခွင့်ရမယ့် လူငယ်တွေအတွက် မဲပေးပုံအဆင့်ဆင့်ကို နမူနာလုပ်ဆောင်နိုင်မယ့် Voating Simulation App Game တစ်ခုကို IFES Team Triangle နဲ့ Brain Seed တို့ပူးပေါင်းပြီး စတင်မိတ်ဆက်လိုက်ပါတယ်။
“ဂိမ်းရေးသားရာမှာ လူငယ်တွေနဲ့ပဲလုပ်ဖြစ်တာပါ။ လူငယ်တွေမဲပေးမယ့်နေ့ကြရင် ဒီလိုမဲပေးရမှာဆိုတဲ့ အတွေ့အကြုံကို ဂိမ်းကနေတဆင့် ချပြနိုင်တော့မှာပါ” လို့ ဂိမ်းထုတ်လုပ်မှုစီမံချက်တာဝန်ခံ ကိုကျော်ဇင်ကပြော ပါတယ်။
We Vote လို့အမည်ပေးထားတဲ့ Game ကို စိတ်ဝင်စားပြီး စမ်းသပ်အသုံးပြုချင်သူတွေဟာ Google Play Store မှာ bit.ly/wevotegame ကနေ တိုက်ရိုက် ဒေါင်းလုတ်ဆွဲပြီး အသုံးပြုနိုင်ပြီဖြစ်ပါတယ်။
