“မာယာလှည့်ကွက်”ရုပ်သံဇာတ်လမ်းတွဲ အောက်တိုဘာ ၅ ရက်ထုတ်လွှင့်မည်(ရုပ်သံ)
DVB
·
September 25, 2020
“မာယာလှည့်ကွက်”အမည်ရတဲ့ ရုပ်သံဇာတ်လမ်းတွဲသစ်ကို လာမယ့် အောက်တိုဘာလ ၅ ရက်က စတင်ပြီး ထုတ်လွှင့်ပြသတော့မယ်လို့ သိရပါတယ်။
ဒီရုပ်သံဇာတ်လမ်းကိုတော့ MRTV-4 ရုပ်သံလိုင်းမှာ အပတ်စဉ် တနင်္လာနေ့ကနေ သောကြာ နေ့အထိ ညစဉ် ၇ နာရီတိုင်းမှာ ထုတ်လွှင့်ပြသပေးသွားမှာ ဖြစ်ပါတယ်။
အမျိုးသမီးဇာတ်ရုပ်အသားပေး ရုပ်သံဇာတ်လမ်းတွဲအနေနဲ့ ရိုက်ကူးတင်ဆက်ထားတဲ့ ဒီ ဇာတ်လမ်းတွဲထဲမှာတော့ သရုပ်ဆောင်မင်းသမီး ပိုးကြာဖြူခင်၊ မင်းဘုန်းမြတ်၊ အောင်ပိုင်၊ မင်းဦး၊ မေကဗျာ၊ မြနှင်းရည်လွင်တို့နဲ့အတူ တခြားသရုပ်ဆောင်တွေလည်း ပါဝင်ထားကြပါတယ်။
MRTV-4 က ထုတ်လွှင့်ပြသခဲ့တဲ့ ပန်းနုသွေး၊ ဝင်္ကပါရှင်းတမ်း၊ ချစ်ရပါသောနွေ၊ အချစ်သ င်္ကေတ၊ မနေ့ကဖြစ်သည်၊ ငွေစက္ကူ ၇ ရွက်၊ ပုဂံမြို့သူ၊ ထာဝရမန္တလေးစတဲ့ ရုပ်သံဇာတ်လမ်းတွေအ ပြင် ပျားရည်အိုင်၊ ဂျီဟောသူတို့လို နာမည်ကြီး ဝတ္ထုတွေကို ရုပ်သံဇာတ်လမ်းတွဲအနေနဲ့ ပြန်လည် ရိုက်ကူးတင်ဆက်မှုတွေဟာလည်း ပရိသတ်တွေရင်ထဲ အခိုင်အမာရောက်ရှိခဲ့တာမို့လို့ ခုတခါ “မာ ယာလှည့်ကွက်”ရုပ်သံဇာတ်လမ်းတွဲကရော ဘယ်လိုထူးခြားတဲ့ ဇာတ်အိမ်၊ ဇာတ်လမ်းဇာတ်ကွက် တွေနဲ့ ဖန်တီးပုံဖော်ထားမလဲ ဆိုတာကို စောင့်မျှော်ကြည့်ရှုကြရမှာပဲ ဖြစ်ပါတယ်။
