Wanted ဂီတအဖွဲ့၏ FG Live Lounge ဖျော်ဖြေပွဲ အခပေးရုပ်သံလိုင်းကပြမည်
DVB
·
July 30, 2020
နာမည်ကြီး တေးဂီတအဖွဲ့တဖွဲ့ဖြစ်တဲ့ Wanted အဖွဲ့ရဲ့ FG Live Lounge ဂီတ ဖျော်ဖြေပွဲကို လာမယ့် ဩဂုတ်လ ၁ ရက်နေ့မှာ အခပေးရုပ်သံလိုင်းတခုကနေ တိုက်ရိုက် လိုက်ဖ်ထုတ်လွှင့်ပြသသွားမယ်လို့ သိရပါတယ်။
FG Live Lounge အမည်နဲ့ တေးဂီတ ဖျေိာ်ဖြေပွဲတွေကိုတော့ ပြီးခဲ့တဲ့ နှစ်က စ တင်ကာ အပတ်စဉ် စနေနေ့တိုင်း နာမည်ကြီး တေးသံရှင်တွေနဲ့ ဖျော်ဖြေပွဲအဖြစ် ရန် ကုန်မြို့၊ ဝေဇယန္တာလမ်းမပေါ်က ရေကူးစတူဒီယိုမှာ ပြုလုပ်ခဲ့တာဖြစ်ပြီး ပရိသတ်တွေ အားပေးလက်ခံမှုတွေ ရရှိခဲ့တဲ့ ဖျော်ဖြေပွဲ ဖြစ်ခဲ့တာပါ။
အခုနှစ် Season 2 မှာတော့ ကိုဗစ်-၁၉ အန္တရာယ်ကြောင့်မို့ ပွဲကျင်းပဖို့ အဆင်မ ပြေတော့ပဲ အခပေးရုပ်သံလိုင်းတခုဖြစ်တဲ့ Canal+Gita ရုပ်သံလိုင်းကနေ ထုတ်လွှင့်တဲ့ ပုံစံပြောင်းလဲခဲ့ရတာ ဖြစ်ပါတယ်။
Season 2 ရဲ့ ပထမဆုံးသော ဖျော်ဖြေပွဲကိုတော့ ဂီတညီအစ်ကို ၂ ယောက်ဖြစ်တဲ့ ဂျေမောင်မောင်နဲ့ ဂျေညီညီတို့ရဲ့ ဖျော်ဖြေပွဲနဲ့ ဇူလိုင်လ ၁၈ ရက်နေ့မှာ စတင်ခဲ့ပြီး ပြီးခဲ့ တဲ့ ဇူလိုင်လ ၂၅ ရက်နေ့မှာတော့ သာဒီးလူရဲ့ ဖျော်ဖြေပွဲကိုပြုလုပ်ခဲ့တာမို့ ခုလာမယ့် ပွဲ ကတော့ တတိယမြောက်ဖျော်ဖြေပွဲ ဖြစ်လာခဲ့တာပါ။
ဒီပွဲကိုတော့ လာမယ့် စနေနေ့ည ၉ နာရီတိတိမှာ ကျင်းပသွားမှာဖြစ်ပြီး Wanted အဖွဲ့ရဲ့ ဘယ်လိုသီချင်းကောင်းတွေနဲ့ တင်ဆက်သွားဦးမလဲဆိုတာကိုတော့ စောင့်မျှော် ကြည့်ရှုကြရမှာ ဖြစ်ပါတယ်။
