ပဲခူးမြို့က ကိုဗစ်-၁၉ လူနာအမှတ် ၂၃၃ ပိုးကင်းစင်သွားသဖြင့် နေအိမ်ပြန်
DVB
·
June 22, 2020
ပဲခူးမြို့ ကလိဆေးရုံမှာ ကုသနေတဲ့ ကိုဗစ်-၁၉ အတည်ပြုလူနာအမှတ် ၂၃၃ ဟာ ရောဂါပိုးကင်းစင်သွားတာကြောင့် ညောင်လေးပင်မြို့ကနေအိမ်ကို ပြန်လည်ပို့ဆောင်လိုက်ပြီလို့ ပဲခူးဆေးရုံအုပ်ကြီးက ပြောပါတယ်။
ဇွန် ၃ ရက်နေ့ကစပြီး ပဲခူးမြို့ ကလိဆေးရုံမှာ တက်ရောက်ကုသနေတဲ့ ညောင်လေးပင်မြို့နေ ထိုင်းနိုင်ငံက ပြန်လာတဲ့ အတည်ပြုလူနာ ၂၃၃ မှာ ၂ ကြိမ်ဆက်တိုက် ရောဂါပိုးမတွေ့တော့ဘဲ ရောဂါကင်းစင်သွားပြီဖြစ်တာကြောင့် ဇွန် ၂၂ ရက် မနက် ၉ နာရီမှာ ညောင်လေးပင်မြို့ရှိ သူ့ရဲ့နေအိမ်ကို ပြန်ပို့လိုက်တာလို့ ပဲခူးဆေးရုံအုပ်ကြီး ဒေါက်တာ ရန်နိုင်မောင်က ပြောပါတယ်။
ပဲခူးတိုင်းမှာ ဇွန်လ ၂၀ ရက်အထိ ကိုဗစ်-၁၉ အတည်ပြုလူနာ ၈ ဦးအထိရှိခဲ့ပြီး ၇ ဦး ပြန်လည်သက်သာသွားကာ ၁ ဦး သေဆုံးခဲ့ပါတယ်။
အောင်စိုးမိုး
