ချင်းရွှေဟော်နယ်စပ်တွင် ကုန်စည်များ ပြန်ပို့နေပြီ
DVB
·
June 2, 2020
မြန်မာ-တရုတ် နယ်စပ်၊ ချင်းရွှေဟော်-မန်တိန်း(ချင်းရွှေဟော်) နယ်စပ်မှာ ယာဉ်မောင်း အစားထိုးစနစ်နဲ့ ကုန်စည်တွေ ပြန်ပို့နေပြီ ဖြစ်ပါတယ်။
ဒီဂိတ်ကနေ နယ်စပ်ကုန်သွယ်ရေးပုံမှန်ပြန်ဖြစ်ဖို့ ရှမ်းပြည်နယ် စီမံကိန်းနဲ့ ဘဏ္ဍာရေးဝန်ကြီး၊ ဉီးစိုးညွန့်လွင်ဟာ ယူနန်ပြည်နယ်၊ စီးပွားရေးဌာန၊ ဒုညွှန်ကြားရေးမှူးချုပ်နဲ့ မေ ၂၁ ရက်က ချင်းရွှေဟော်နယ်စပ်ဂိတ်မှာ ဆွေးနွေးခဲ့တာပါ။
ဒါ့အပြင် ကူမင်းမြို့၊ မြန်မာကောင်စစ်ဝန်ချုပ် ဦးထွန်းအောင်ကျော်ကလည်း ယူနန်ပြည်နယ်၊ စီးပွားရေးဌာန၊ ဒုတိယညွှန်ကြားရေးမှူးချုပ်နဲ့ မေလကုန်ပိုင်းက ဆွေးနွေးခဲ့ကြတယ်လို့ မြန်မာနိုင်ငံခြားရေးဝန်ကြီးဌာနက ထုတ်ပြန်ပါတယ်။
ဒါကြောင့် မေ ၃၀ ရက်ကစပြီး တရုတ်နိုင်ငံ ယူနန်ပြည်နယ် လင်ချမ်းမြို့အစိုးရက မြန်မာနိုင်ငံရဲ့ ပို့ကုန်တွေကို ယာဉ်မောင်းအစားထိုးစနစ်နဲ့ ပြန်လည်လက်ခံနေပြီလို့ ဆိုပါတယ်။
ဓာတ်ပုံ- MOFA
