Homeမြန်မာသတင်း
ကိုရီးယား၊ အင်ဒိုနီးရှား၊ ဗြိတိန်နှင့် အမေရိကန်ရောက် မြန်မာနိုင်ငံသား ၁၂၀ ကို လေယာဉ်ဖြင့် ပြန်ခေါ်ယူ
ကိုရီးယား၊ အင်ဒိုနီးရှား၊ ဗြိတိန်နှင့် အမေရိကန်ရောက် မြန်မာနိုင်ငံသား ၁၂၀ ကို လေယာဉ်ဖြင့် ပြန်ခေါ်ယူ
DVB
·
May 8, 2020
တောင်ကိုရီးယား၊ အင်ဒိုနီးရှား၊ ဗြိတိန်နဲ့ အမေရိကန်မှာ အကြောင်းအမျိုးမျိုးနဲ့ ပိတ်မိနေတဲ့ မြန်မာနိုင်ငံသား ၁၂၀ ဦး ကို အစိုးရက ဒုတိယအကြိမ် ကယ်ဆယ်ရေးလေယာဉ် (Relief Flight) နဲ့ ရန်ကုန်ကို ပြန်လည် ပို့ဆောင်ခဲ့တယ်လို့ နိုင်ငံခြားရေးဌာနက သတင်းထုတ်ပြန်ပါတယ်။
COVID-19 ရောဂါကပ်ဘေးကြောင့် နိုင်ငံတကာလေကြောင်းလိုင်းတွေ ပျံသန်းမှု ယာယီရပ်ဆိုင်းထားချိန်မှာ အိမ်ပြန်ဖို့ အခက်တွေ့နေတဲ့ မြန်မာနိုင်ငံသားတွေကို မြန်မာ အပြည်ပြည်ဆိုင်ရာ လေကြောင်းလိုင်း (MAI)နဲ့ မေလ ၈ ရက် ဒေသစံတော်ချိန် ညနေ ၆နာရီလောက်မှာ တောင်ကိုရီးယားနိုင်ငံ အင်ချွန်းအပြည်ပြည်ဆိုင်ရာလေဆိပ်မှ ရန်ကုန်မြို့သို့ ပြန်ပို့ဆောင်ခဲ့တာပါ။
နေရပ်ပြန်လာသူတွေအထဲမှာ ကိုရီးယားသမ္မတနိုင်ငံရှိ မြန်မာနိုင်ငံသား ၁၀၄ ဦး၊ အင်ဒိုနီးရှားနိုင်ငံ၊ ဗြိတိန်နိုင်ငံနဲ့ အမေရိကန် ပြည်ထောင်စုတို့မှ လာရောက်တဲ့ မြန်မာနိုင်ငံသား ၁၆ ဦး၊ စုစုပေါင်း ၁၂၀ ဦးပါဝင်ပါတယ်။
