ဇွဲကပင်တောင် အငူတွင် တောမီးလောင်ကျွမ်းနေ (ဓာတ်ပုံ)
DVB
·
February 2, 2020
ကရင်ပြည်နယ်၊ ဘားအံမြို့နယ်၊ တော်ပုံကျေးရွာအုပ်စု၊ တော်ပုံကျေးရွာရှိ ဇွဲကပင်တောင် အငူမှာ ဖေဖော်ဝါရီ ၁ ရက်နေ့ ည ၇ နာရီအချိန်က တောမီးလောင်ကျွမ်းနေပါတယ်။
တောမီးလောင်ကျွမ်းမှုက ကမ်းပါးယံကို ကူးစက်လောင်ကျွမ်းနေပြီး ဒီနေ့မနက်အထိ မီးငြှိမ်းသတ်နိုင်ခြင်း မရှိသေးဘူးလို့ သိရပါတယ်။
လောင်ကျွမ်းနေတဲ့ တောမီးကို တောင်ပေါ်ထိ တက်ရောက်ငြှိမ်းသတ်ဖို့ မီးသတ်ပိုက်မမီတာကြောင့် တောင်အောက်ကို မီးကူးစက်လာပါက မီးငြှိမ်းသတ်နိုင်ဖို့ မီးသတ်သမားတွေ အဆင်သင့်စောင့်နေကြတယ်လို့ ဒေသခံတဦးက ပြောပါတယ်။
တောမီးလောင်ကျွမ်းမှုကြောင့် လူနဲ့ တိရစ္ဆာန် ထိခိုက်ဒဏ်ရာရရှိမှု မရှိဘူးလို့ သိရပါတယ်။
Photo - Saw TaTu / MPA
