မနောကွင်းရှေ့တွင် အစိုးရအား ဆန္ဒပြ
DVB
·
January 7, 2020
ကချင်လူမျိုးများရဲ့ ရိုးရာယဉ်ကျေးမှုကို အစိုးရက ဝင်ရောက်စွက်ဖက်တဲ့အပေါ် ဆန့်ကျင် ဆန္ဒဖော်ထုတ်ပွဲကို ဇန်နဝါရီ ၇ ရက်နေ့ မနက်က မနောကွင်းရှေ့မှာ ဆန္ဒထုတ်ဖော်ခဲ့ကြပါတယ်။
ကချင်တိုင်းရင်းသား ၅၀ ဝန်းကျင် ပါဝင်ပြီး လူမျိုးရေးအစွန်းရောက် WHG ဖျက်သိမ်းရန်၊ ပြည်နယ်၏ အမည်နာမကို လူတစုမှ ပြုပြင်ပြောင်းလဲခြင်းအား လုံးဝ လက်မခံ၊ ကချင်လူမျိုးများရဲ့ ရိုးရာယဉ်ကျေးမှုကိစ္စမှာ အစိုးရက ဝင်ရောက်စွက်ဖက်ခြင်း မပြုရ စတဲ့ စာသားပါ ဆိုင်းဘုတ်များ အသုံးပြုကာ ဆန္ဒဖော်ထုတ်ခဲ့ကြပါတယ်။
မြစ်ကြီးနားမြို့နယ် ရဲမှူးကတော့ အဆိုပါ ဆိုင်းဘုတ်တွေအတွက် ခွင့်ပြုချက်တင်ကြဖို့ ဦးဆောင်သူတွေကို သတိပေးခဲ့ပါတယ်။
