ဗိုလ်ချုပ်ပုံပါ ၁၀၀၀ ကျပ်တန် ငွေစက္ကူများ ထုတ်ဝေဖြန့်ချိ
DVB
·
January 7, 2020
နေပြည်တော်မှာ ဗိုလ်ချုပ်အောင်ဆန်းပုံပါ ၁၀၀၀ ကျပ်တန် ငွေစက္ကူတွေကို အများပြည်သူတွေထံကို မြန်မာ့စီးပွားရေးဘဏ်မှာ ဒီနေ့ထုတ်ဝေဖြန့်ချိ လဲလှယ်ပေးနေပြီဖြစ်ပါတယ်။
အခုလို လဲလှယ်ပေးတာတွေကို ပြည်နယ်နဲ့ တိုင်းဒေသကြီးတွေက မြန်မာ့ စီးပွားရေးဘဏ် တွေမှာ လဲလှယ်ပေးနေပါတယ်။
"ကျမ လဲဖို့ အရွက်ရေ တင်တာပြတာ။ ဖောင်ဖြည့်တာပေါ့။ အဲ့မှာတော့ ၂ သောင်းဖိုး အရွက် ၂၀ ပေါ့၊ ဒါပေမယ့် ၅ ရွက်ပဲ လဲပေးတယ်" လို့ လာရောက်လဲလှယ်သူ ဝန်ထမ်းတဦးက ပြောပါတယ်။
နေပြည်တော် စီးပွားရေးဘဏ်မှာတော့ အများပြည်သူတွေ လက်ထဲရောက်ရှိနိုင်ဖို့အတွက် ကန့်သတ်ရွက်ရေနဲ့ လဲလှယ်ပေးတာကို တွေ့ရပါတယ်။
