နေတိုး၊ သက်မွန်မြင့်၊ ရွှေသမီးတို့ ပါဝင်သည့် ၃ ပွင့်ဆိုင် အချစ်ဒရာမာရုပ်ရှင်-ချည်(နမူနာ)
DVB
·
December 23, 2019
မြန်မာအချစ်ဒရာမာ ရုပ်ရှင်ကားတကားဖြစ်တဲ့ ချည်ကို လာမယ့် ဒီဇင်ဘာလ ၂၆ ရက်နေ့မှာ ရုံတင်ပြသတော့မှာ ဖြစ်ပါတယ်။
ဒီကားကိုတော့ အောင်တိုင်းကျော် ရုပ်ရှင်ထုတ်လုပ်ရေးက တင်ဆက်လိုက်တာဖြစ်ပြီး စာရေးဆရာ မင်းခိုက်စိုးစန်နဲ့ ထက်မြတ်နိုင်ဇင်တို့ရဲ့ ဇာတ်လမ်း၊ ဇာတ်ညွှန်းကို ဒါရိုက်တာ ညွန့်မြန်မာညီညီအောင်က ရိုက်ကူးပုံဖော်ပေးထားတာ ဖြစ်ပါတယ်။
ဒီကားထဲမှာတော့ ဝါရင့်သရုပ်ဆောင်မင်းသား နေတိုးနဲ့အတူ သက်မွန်မြင့်၊ ရွှေသမီးတို့က အတွဲညီညီနဲ့ ခေါင်းဆောင်ပါဝင်ထားကြတာ ဖြစ်ပါတယ်။
ချည်ဆိုတဲ့ အတိုင်း ဒီရုပ်ရှင်ကားထဲမှာ သုံးပွင့်ဆိုင် အချစ်ဒရာမာ ဇာတ်လမ်းတပုဒ် အနေနဲ့ ဘယ်လိုပုံဖော်ထားမလဲ၊ ဘယ်လိုဇာတ်လမ်းဇာတ်ကွက်တွေနဲ့ ရိုက်ကူးထားမလဲ ဆိုတာကိုတော့ မကြာခင်မှာပဲ ရှုစားကြရမှာ ဖြစ်ပါတယ်။
လတ်တလောမှာတော့ ဒီရုပ်ရှင်ကား Trailer ဟာ ဖေ့စ်ဘွတ်ခ်ပေါ်မှာတော့ ဝင်ရောက်ကြည့်ရှု ကြတဲ့ အကြိမ်ရေ ၆ သန်းကျော် ရှိနေခဲ့ပြီ ဖြစ်ပါတယ်။
