Homeရုပ်သံ
ခန့်စည်သူ၊ မြင့်မြတ်၊ ပက်ထရစ်ရှာ၊ ရွှေသမီးတို့ ပါဝင်သည့် အချစ်ဟာသရုပ်ရှင်-တောက်ချလိုက်မယ် (နမူနာ)
ခန့်စည်သူ၊ မြင့်မြတ်၊ ပက်ထရစ်ရှာ၊ ရွှေသမီးတို့ ပါဝင်သည့် အချစ်ဟာသရုပ်ရှင်-တောက်ချလိုက်မယ် (နမူနာ)
DVB
·
December 3, 2019
ပေါ့ပေါ့ပါးပါး မြန်မာအချစ်ဟာသရုပ်ရှင်ကားတကားဖြစ်တဲ့ တောက်ချလိုက်မယ် ကို လာမယ့် ဒီဇင်ဘာလ ၅ ရက်နေ့မှာ ရုံတင်ပြသတော့မှာ ဖြစ်ပါတယ်။
ဒီကားကိုတော့ Love 2 ရုပ်ရှင်ထုတ်လုပ်ရေးက ပထမဆုံးပွဲဦးထွက်ရုပ်ရှင်အနေနဲ့ တင်ဆက်လိုက်တာဖြစ်ပြီး ဟာသ သရုပ်ဆောင် ခင်လှိုင်ရဲ့ ဇာတ်လမ်းကို 7 Day နဲ့ ရာ ဇဝင်ကိုတို့က ဇာတ်ညွှန်းခွဲထားပေးပြီး ခင်လှိုင်ကိုယ်တိုင်ပဲ ရိုက်ကူးပုံဖော်ပေးထားတာ ဖြစ်ပါတယ်။
ဒီရုပ်ရှင်ထဲမှာတော့ နာမည်ကြီး သရုပ်ဆောင်တွေ ဖြစ်ကြတဲ့ ခန့်စည်သူ၊ မြင့်မြတ်၊ ပက်ထရစ်ရှာ၊ ရွှေသမီးတို့က ခေါင်းဆောင်ပါဝင်ထားကြပြီး ခင်လှိုင်၊ ဒိန်းဒေါင်ဟာသညီ နောင်နဲ့အတူ တခြားသရုပ်ဆောင်တွေလည်း အများကြီး ပါဝင်ထားကြတာပါ။
တောက်ချလိုက်မယ် ဆိုတဲ့အတိုင်း ဒီရုပ်ရှင်ထဲမှာ ဘယ်သူတွေက အကွက်တွေ ရွှေ့ပြီး တောက်ချကြမလဲ၊ ဘယ်လိုအကျော်အခွ၊ ကမောက်ကမဇာတ်လမ်းဇာတ်ကွက် တွေနဲ့ ဖန်တီးပုံဖော်ထားမလဲဆိုတာကိုတော့ မကြာခင်မှာပဲ စောင့်မျှော်ကြည့်ရှုကြရ တော့မှာ ဖြစ်ပါတယ်။
ဒီရုပ်ရှင်ကားရဲ့ အထူးပွဲပြသမှုကိုတော့ ပြီးခဲ့တဲ့ ဒီဇင်ဘာလ ၂ ရက်နေ့က ရန်ကုန် မြို့၊ သမ္မတရုပ်ရှင်ရုံမှာ ပြုလုပ်ခဲ့တာ ဖြစ်ပါတယ်။
လတ်တလောမှာတော့ ဒီရုပ်ရှင်ကား Trailer ကို ဖေ့စ်ဘွတ်ခ်အင်တာနက်လူမှု ကွန်ရက်စာမျက်နှာပေါ်မှာ ဝင်ရောက်ကြည့်ရှုသူ ၄ သန်းကျော် ရှိနေပါတယ်။
