Homeမြန်မာသတင်း
နိုင်ငံတော်၏အတိုင်ပင်ခံပုဂ္ဂိုလ်ကို တောင်ကိုရီးယားနိုင်ငံက ဂုဏ်ပြုတပ်ဖွဲ့ဖြင့်ကြိုဆို
နိုင်ငံတော်၏အတိုင်ပင်ခံပုဂ္ဂိုလ်ကို တောင်ကိုရီးယားနိုင်ငံက ဂုဏ်ပြုတပ်ဖွဲ့ဖြင့်ကြိုဆို
DVB
·
November 25, 2019
နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ အာဆီယံ-ကိုရီးယား ဆွေးနွေးဖက်ဆက်ဆံရေး နှစ်(၃၀)ပြည့် အထိမ်းအမှတ် ထိပ်သီးအစည်းအဝေးနဲ့ ပထမအကြိမ် မဲခေါင်-ကိုရီးယား ထိပ်သီးအစည်းအဝေး တက်ရောက်ဖို့ တောင်ကိုရီးယားနိုင်ငံ၊ ဘူဆန်မြို့မှာ ရောက်ရှိ နေပါတယ်။
ဒေါ်အောင်ဆန်းစုကြည်ဦးဆောင်တဲ့ မြန်မာကိုယ်စားလှယ်အဖွဲ့ကို ကိုရီးယားသမ္မတနိုင်ငံ နိုင်ငံခြားရေး ဒုဝန်ကြီး လီတေးဟိုက ဂုဏ်ပြုတပ်ဖွဲ့နဲ့ ဘူဆန်မြို့ ဂင်ဟေး လေတပ်ဌာနချုပ် လေဆိပ်မှာ ကြိုဆိုခဲ့ပါတယ်။
ဒါ့အပြင် တောင်ကိုရီးယားနိုင်ငံရောက် မြန်မာနို်ငငံသားတွေကလည်း နိုင်ငံတော်၏အတိုင်ပင်ခံပုဂ္ဂိုလ်ကို ဘူဆန်မြို့ရှိ ခေတ္တတည်းခိုတဲ့ Lotte ဟိုတယ်ကို လာရောက် ကြိုဆိုနှုတ်ဆက်ကြပါတယ်။
ဒီခရီးစဉ်မှာ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဒေါက်တာ အောင်သူ၊ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီး ဦးကျော်တင်၊ စက်မှု ဒုဝန်ကြီး ဒေါက်တာ မင်းရဲပိုင်ဟိန်းတို့လည်း လိုက်ပါသွားပါတယ်။
ဓာတ်ပုံ- MOFA
